 ທ່ານປະທານປະເທດຫວຽດນາມ Truong Tan Sang
ພ້ອມກັບພວກຫຼານອະນຸຊົນ (ພາບ: TTXVN) |
Vovworld- ເນື່ອງໃນໂອກາດວັນເດັກສາກົນ( 1/6),ຕອນບ່ານວັນທີ 31/5, ຢູ່ຮ່າໂນ້ຍ, ທ່ານປະທານປະເທດຫວຽດນາມ Truong Tan Sang ໄດ້ໃຫ້ການຕ້ອນຮັບພວກຫຼານອະນຸຊົນດີເດັ່ນຈຳນວນ 50 ຄົນ ທີ່ມີສະພາບຄອບຄົວຫຍຸ້ງຍາກເນື່ອງໃນໂອກາດມາຢ້ຽມຢາມນະຄອນຫຼວງຮ່າໂນ້ຍ ແລະ ເຂົ້າຄຳນັບສຸສານປະທານໂຮ່ຈິມິນ. ພວກຫຼານອະນຸຊົນທີ່ເຂົ້າຮ່ວມການພົບປະລ້ວນແຕ່ແມ່ນບັນດາແບບຢ່າງທີ່ດີເດັ່ນໃນການຮ່ຳຮຽນ. ທ່ານປະທານປະເທດຫວຽດນາມ Truong Tan Sang ຢືນຢັນວ່າ : ພັກ, ລັດຍາມໃດກໍເອົາໃຈໃສ່ຕໍ່ພວກຫຼານອະນຸຊົນ, ພິເສດ ແມ່ນ ພວກຫຼານອະນຸຊົນທີ່ປະສົບກັບຄວາມຫຍຸ້ງຍາກ. ທ່ານກ່າວວ່າ :
“ ອາດເວົ້າໄດ້ວ່າ ພວກຫຼານອະນຸຊົນມີຄວາມມານະພະຍາຍາມຢ່າງສູງເພື່ອ ຜ່ານຜ່າຄວາມຫຍຸ້ງຍາກໃນຄອບຄົວເພ່ືອກ້າວຂຶ້ນ. ພວກຫຼານແມ່ນບັນດາຜູ້ມີຄວາມເກັ່ງກ້າສາມາດທີ່ຍັງໜຸ່ມແໜ້ນ, ແມ່ນລຸ່ນຄົນສືບທອດໃນອະນາຄົດຂອງປະເທດຊາດ. ພວກຫຼານແມ່ນແບບຢ່າງທີ່ດີເດັ່ນໃນໝູ່ອະນຸຊົນບົນເສັ້ນທາງແຫ່ງການຮ່ຳຮຽນ, ສູ້ຊົນຂອງຕົນເພື່ອກ້າວຂຶ້ນ ”
