( vovworld ) – ວັນທີ 8/4, ທ່ານປະທານາທິບໍດີປາກິດສະຖານ Asif Ali Zardari ໄດ້ໄປຢ້ຽມຢາມອີນເດຍ. ນີ້ແມ່ນການຢ້ຽມຢາມທາງລັດຖະກິດຄັ້ງທຳອິດຂອງການນຳປາກິດສະຖານ ເຖິງ ອີນເດຍ ນັບແຕ່ປີ 2005 ເປັນຕົ້ນມາ. ໃນການຢ້ຽມຢາມຄັ້ງນີ້, ທ່ານປະທານາທິບໍດີ Zardari ຄາດວ່າຈະພົບປະກັບທ່ານນາຍົກລັດຖະມົນຕີອີນເດຍ Manmohan Singh ເພື່ອປຶກສາຫາລືບັນດາບັນຫາສອງຝ່າຍ. ພາຍຫຼັງການພົບປະ, ທ່ານ Zardari ຈະໄປຢ້ຽມຢາມໂບດອິດສະລາມແຫ່ງໜື່ງ.
ບັນດານັກໃຈແຍກໃຫ້ຂໍ້ສັງເກດວ່າ, ການຢ້ຽມຢາມອີນເດຍ ຂອງທ່ານປະທານາທິບໍດີປາກິດສະຖານຄັ້ງນີ້ ໄດ້ຊີ້ໃຫ້ເຫັນເຖິງການປົວແປ່ງສາຍພົວພັນລະຫວ່າງສອງປະເທດນັບແຕ່ເຫດການບຸກໂຈມຕີແບບກໍການຮ້າຍຢູ່ Mumbai ເມື່ອປີ 2008 ໂດຍພວກກະບົດປາກິດສຖານປະຕິບັດ. ແຕ່ບັນດາຜູ້ຊ່ຽວຊານໄດ້ກ່າວເຕື່ອນວ່າ, ຈະບໍ່ມີຄວາມກ້າວໜ້າໃນບັນດາບັນຫາຫົວເລື່ອງສະດູງໄວຄືເຂດ Kashmir ຫຼື ການເຄື່ອນໄຫວຂອງກຸ່ມກຳລັງກະບົດປາກິດສະຖານ ຕ້ານອີນເດຍ. ນີ້ແມ່ນເຫດຜົນເຊິ່ງເຮັດໃຫ້ເຂດຊາຍແດນລະຫວ່າງສອງປະເທດກາຍເປັນໜື່ງໃນບັນດາຈຸດທີ່ອັນຕະລາຍທີ່ສຸດໃນໂລກ.
