( vovworld ) - ຕອນເຊົ້າວັນທີ 31/5, ຢູ່ນະຄອນໂຮ່ຈິມິນ, ທ່ານປະທານາທິບໍດີສ.ໂອຕລິດ Heinz Fisher ໄດ້ເຂົ້າຮ່ວມເວທີປາໃສການສຶກສາຂັ້ນມະຫາວິທະຍາໄລ - ວິທະຍາສາດ ແລະ ການຄົ້ນຄວ້າຫວຽດນາມ - ໂອຕລິດ. ທີ່ເວທີປາໄສ, ທ່ານຮອງນາຍົກລັດຖະມົນຕີຫວຽດນາມ Nguyen Thien Nhan ໄດ້ຖືວ່າ ເວທີປາໄສຄັ້ງນີ້ຢືນຢັນຄວາມຕັດສິນໃຈດ້ານການເມືອງສູງລະຫວ່າງສອງປະເທດຫວຽດນາມ - ໂອຕລິດ ນຳການສຶກສາ, ວິທະຍາສາດເຕັກໂນໂລຊີ ເປັນບຸລິມະສິດໃນການຮ່ວມມືສອງຝ່າຍ, ຖືນັ້ນແມ່ນບາດກ້າວປຸກທະລຸໃຫ້ແກ່ການພັດທະນາຢ່າງວອງໄວ ແລະ ໝັ້ນຄົງຂອງປະເທດຊາດຮອດປີ 2020. ເຊິ່ງຕາມນັ້ນແລ້ວ, ຂົງເຂດການສຶກສາຈະຮັບການພັດທະນາຕາມທິດຍົກສູງຄຸນນະພາບ, ຍູ້ແຮງການຄົ້ນຄວ້າວິະຍາສາດ, ເພີ່ມທະວີການຮ່ວມມືແລກປ່ຽນບົດຮຽນ, ປ່ຽນໃໝ່ກົນໄກຄຸ້ມຄອງ ແລະ ບໍລິຫານໃນບັນດາໂຮງຮຽນ ດ້ວຍຈຸດໝາຍບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງເພື່ອຮັບໃຊ້ໃຫ້ແກ່ການພັດທະນາຂອງປະເທດຊາດ. ທ່ານປະທານາທິບໍດີສ.ໂອຕລິດ Heinz Fisher ຍັງສະແດງຄວາມພູມໃຈຕໍ່ໜ້າບັນດາການພົວພັນສອງຝ່າຍທີ່ອຸດົມສົມບຸນ ແລະ ຫຼາຍຮູບຫຼາຍແບບລະຫວ່າງຫວຽດນາມ ແລະ ໂອຕລິດ ໃນຂົງເຂດວິທະຍາສາດ ແລະ ການຄົ້ນຄວ້າ, ນັບທັງພື້ນຖານສັນຍາຮ່ວມມືຕ່າງໆລະຫວ່າງບັນດາອົງການສຶກສາຂັ້ນມະຫາວິທະຍາໄລ ແລະ ການຄົ້ນຄວ້າລະຫວ່າງສອງປະເທດ. ທ່ານປະທານາທິບໍດີສ.ໂອຕລິດ Heinz Fisher ໃຫ້ຮູ້ວ່າ.
“ ເພື່ອແນໃສ່ເຈຸດປະສົງເພີ່ມທະວີ ແລະ ເຂົ້າສູ່ລວງເລິກສຳລັບການຮ່ວມມືໃນຂົງເຂດມະຫາວິທະຍາໄລຫວຽດນາມ - ໂອຕລິດ, ກະຊວງວິທະຍາສາດເຕັກໂນໂລຊີຫວຽດນາມ ແລະ ກະຊວງວິທະຍາສາດຄົ້ນຄວ້າໂອຕລິດ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານວິທະຍາສາດ ແລະ ເຕັກໂນໂລຊີໃນເດືອນ 12/2011. ບັນດາການເຈລະຈາກ່ຽວກັບການປະຕິບັດບົດບັນທຶກຊ່ວຍຈຳດັ່ງກ່າວ ຫາກໍໄດ້ຮັບຮອງເອົາເປັນຄັ້ງສຸດທ້າຍ. ສິ່ງດັ່ງກ່າວມີຄວາມໝາຍວ່າ ພວກເຮົາຈະມີຂໍ້ສະເໜີສອງຝ່າຍຄັ້ງທຳອິດໂດຍໄວ ສຳລັບບັນດາໂຄງການຄົ້ນຄວ້າທີ່ນຳມາເຊິ່ງບັນດາການພົວພັນຄູ່ຮ່ວມມື ແລະ ການຄົ້ນຄວ້າໃໝ່ລະຫວ່າງຫວຽດນາມ ແລະ ໂອຕລິດ.”
