( vovworld ) - ໃນຂອບເຂດການຢ້ຽມຢາມຫວຽດນາມ ຢ່າງເປັນທາງການແຕ່ວັນທີ 29 – 31/5 ຕາມຄຳເຊື້ອເຊີນຂອງທ່ານປະທານປະເທດຫວຽດນາມ Truong Tan Sang, ວັນທີ 31/5, ທ່ານປະທານາທິບໍດີສ.ໂອຕາລິດ Heinz Fischer ໄດ້ເຂົ້າຮ່ວມເວທີປາໄສວິທະຍາສາດການສຶກສາຫວຽດນາມ - ໂອຕາລິດ ຢູ່ມະຫາວິທະຍາໄລໄຊງ່ອນ, ຢ້ຽມຢາມຫໍພິພິດຕະພັນວິຈິດສິນນະຄອນໂຮ່ຈິມິນ. ຫຼັງຈາກນັ້ນ, ທ່ານປະທານຄະນະກຳມະການປະຊາຊົນນະຄອນໂຮ່ຈິມິນ Le Hoang Quan ໄດ້ຈັດພິທີຕ້ອນຮັບ ແລະ ຈັດງານລ້ຽງຊົມເຊີຍທ່ານປະທານາທິບໍດີສ.ໂອຕາລິດ Heinz Fischer ແລະ ພັນລະຍາ. ໃນຕອນບ່າຍວັນດຽວກັນ, ທ່ານປະທານາທິບໍດີສ.ໂອຕາລິດ Heinz ໄດ້ເດີນທາງອອກຈາກສະໜາມບິນສາກົນ Tan Son Nhat ກັບຄືນປະເທດ, ສິ້ນສຸດການຢ້ຽມຢາມຫວຽດນາມ ເປັນທາງການຢ່າງຈົບງາມ.
