 (ທີ່ການພົບປະ) |
ຕອນເຊົ້າວັນທີ 18 ກັນຍາ, ຢູ່ ກົວລາລຳເປີ, ປະເທດ ມາເລເຊຍ, ໃນຂອບເຂດກອງປະຊຸມສະມັດຊາໃຫຍ່ລັດຖະສະພາລະຫວ່າງຊາດ ອາຊຽນ ຄັ້ງທີ 46, ທ່ານຮອງປະທານສະພາແຫ່ງຊາດ ຫວຽດນາມ ເລມິນຮວານ ໄດ້ພົບປະກັບທ່ານຫົວໜ້າລັດຖະສະພາເອີລົບ Woute Beke.
ທີ່ການພົບປະ, ທ່ານ ເລມິນຮວານ ປາດຖະໜາວ່າ, ສະຫະພາບ ເອີລົບ (ອີຢູ) ຈະສືບຕໍ່ໜູນຊ່ວຍ ຫວຽດນາມ ພັດທະນາພື້ນຖານເສດຖະກິດສີຂຽວ, ຊຸກຍູ້ການໃຫ້ສັດຕະຍາບັນສັນຍາອາລັກຂາການລົງທຶນ ຫວຽດນາມ - ອີຢູ (EVIPA), ຍົກເລີກ “ບັດເຫຼືອງ” ສຳລັບສິນໃນນ້ຳທີ່ສົ່ງອອກຂອງ ຫວຽດນາມ ໂດຍໄວ, ໜູນຊ່ວຍການຜັນຂະຫຍາຍບັນດາຂໍ້ກຳນົດກ່ຽວກັບການຕ້ານການທຳລາຍປ່າຂອງ ອີຢູ ກໍຄືວິວັດທະນາການສ້າງປະຊາຄົມ ອາຊຽນ, ສ້າງບັນດາແຜນການກະທຳ ອາຊຽນ - ອີຢູ ກັບບັນດາຍຸດທະສາດຮ່ວມມືຂອງ ອາຊຽນ ໃຫ້ມີຄວາມສະໜິດຕິດພັນກັນຫຼາຍກວ່າອີກ.
ສ່ວນທ່ານ Woute Beke ເນັ້ນໜັກເຖິງການຜັນຂະຫຍາຍສັນຍາການຄ້າເສລີ ອີຢູ - ຫວຽດນາມ ໃນໄລຍະຜ່ານມາບັນລຸໄດ້ປະສິດທິຜົນ ແລະ ໃຫ້ຮູ້ວ່າ ສັນຍານີ້ແມ່ນຕົວຢ່າງທີ່ເປັນແບບຢ່າງໃກ້ແກ່ການເຈລະຈາລະຫວ່າງ ອີຢູ ກັບບັນດາຄູ່ຮ່ວມມືອື່ນ.
