ທ່ານເລຂາທິການໃຫຍ່ Nguyen Phu Trong ເຮັດວຽກກັບການນຳສະຖາບັນ
ການເມືອງ ການປົກຄອງແຫ່ງຊາດ Ho Chi Minh
(vovworld) - ຕອນເຊົ້າວັນທີ 25/4, ທ່ານເລຂາທິການໃຫຍ່ Nguyen Phu Trong ໄດ້ລົງຢ້ຽມຢາມ ແລະ ເຮັດວຽກກັບສະຖາບັນການເມືອງການປົກຄອງແຫ່ງຊາດ Ho Chi Minh. ກ່າວຄຳເຫັນທີ່ການເຮັດວຽກ, ທ່ານເລຂາທິການໃຫຍ່ Nguyen Phu Trong ໃສ່ໃຈວ່າ: ສະຖາບັນຄວນຍົກສູງຄຸນນະພາບການບຳລຸງສ້າງ, ອົບຮົມໃຫ້ພະນັກງານ ແລະ ຄົ້ນຄ້ວາວິທະຍາສາດຂອງສະຖາບັນ. ທ່ານເລຂາທິການໃຫຍ່ Nguyen Phu Trong ຊີ້ແຈງວ່າ ຄວນເອົາໃຈໃສ່ເຖິງການບຳລຸງສ້າງຄວາມຊຳນານໃນການຄຸ້ມຄອງ, ການຊີ້ນຳ, ຄຽງຄູ່ກັບການບຳລຸງສ້າງວິຊາສະເພາະຄວນເອົາໃຈໃສ່ເຖິງການບຳລຸງສ້າງຄຸນສົມບັດ. ວຽກງານຄົ້ນຄ້ວາວິທະຍາສາດຕ້ອງຮັບໃຊ້ໂດຍກົງໃຫ້ແກ່ວຽກງານສິດສອນ ແລະ ສ້າງແນວທາງ, ພັດທະນາທິດສະດີ. ທ່ານເລຂາທິການໃຫຍ່ Nguyen Phuc Trong ເນັ້ນຫນັກວ່າ: ສະຖາບັນ ຄວນເອົາໃຈໃສ່ວຽກງານພາຍໃນ, ກໍ່ສ້າງອົງການພັກໃຫ້ເຂັ້ມແຂງ, ປອດໃສ, ຍົກສູງຄຸນນະພາບພະນັກງານ, ສະມາຊິກພັກຕາມເນື້ອໃນຈິດໃຈຂອງມະຕິສູນກາງພັກຄັ້ງທີ 4 ຊຸດທີ 11, ສຳເລັດຫນ້າທີ່ການເມືອງທີ່ໄດ້ຮັບການມອບຫມາຍ.
