( vovworld ) – ໃນຂອບເຂດການຢ້ຽມຢາມມ້ຽນມາ, ວັນທີ 1/5, ທ່ານເລຂາທິການໃຫຍ່ສະຫະປະຊາຊາດ Ban Ki Moon ໄດ້ມີການເຈລະຈາກັບທ່ານປະທານາທິບໍດີປະເທດມ້ຽນມາ U Thein Sein ແລະ ພົບປະກັບຜູ້ນຳຝ່າຍຄ້ານທ່ານນາງ Aung San Suu Kyi. ກ່າວຄຳເຫັນທີ່ການພົບປະ, ທ່ານປະທານນາທິບໍດີ Thein Sein ໃຫ້ຮູ້ວ່າ ລັດຖະບານມ້ຽນມາ ຈະເພີ່ມທະວີການຮ່ວມມືກັບບັນດາອົງການບທີ່ບໍ່ຂຶ້ນກັບລັດຖະບານສາກົນ, ໃນນັ້ນມີອົງການສະຫະປະຊາຊາດ ເພື່ອການພັດທະນາ ( UNDP ), ອົງທັນຍາຫານໂລກ ( WFP ) ແລະ ອົງການ ກາແດງສາກົນ ( ICRC ), ໃນການຊ່ວຍເຫຼືອມະນຸດສະທຳ, ສ້າງຖີ່ນຖານຄົງທີ່ຄືນໃໝ່, ສ້າງວຽກເຮັດງານທຳ ແລະ ອຸກໜຸນສັງຄົມໃຫ້ແກ່ເຂດຕ່າງໆ. ກຽວຂ້ອງເຖິງຂໍ້ສະເໜີສັນຕິພາບຂອງລັດຖະບານມ້ຽນມາ, ທ່ານ Thein Sein ໃຫ້ຮູ້ວ່າ Nay Pi Do ສາມາດສຳເລັດໄລຍະທີໜື່ງ ແມ່ນບັນລຸໄດ້ສັນຍາຢຸດຍິງກັບ 10 ໃນຈຳນວນ 11 ກຸ່ມປະກອບອາວຸດຢູ່ປະເທດນີ້. ທ່ານຫວັງວ່າຈະໄກ່ເກັ່ຍກັບກຸ່ມປະກອບອາວຸດອົງການເອກະລາດ Cachin ( KIO ). ເຊິ່ງຕາມທ່ານແລ້ວ, ບັນດາອົງການຊົນເຜົ່າຢູ່ປະເທດນີ້ພວມຮ່ວມມືກັບລັດຖະບານ ເພື່ອລົງນານໃນບັນດາສັນຍາສັນຕິພາບສຸດທ້າຍຢູ່ສະພາແຫ່ງຊາດ.
