ທ່ານເລຂາທິການໃຫຍ່ ໂຕເລິມ ພົບປະກັບທ່ານຮອງນາຍົກລັດຖະມົນຕີ ອັງກິດ David Lammy

ທ່ານເລຂາທິການໃຫຍ່ ໂຕເລິມ ພົບປະກັບທ່ານຮອງນາຍົກລັດຖະມົນຕີ ອັງກິດ David Lammy (ພາບ: TTXVN)

        ໃນຂອບເຂດການຢ້ຽມຢາມ ລາຊະອານາຈັກ ອັງກິດ ຢ່າງເປັນທາງການ, ວັນທີ 29 ຕຸລາ, ຕາມເວລາທ້ອງຖິ່ນ, ຢູ່ນະຄອນຫຼວງ ລອນດອນ, ທ່ານເລຂາທິການໃຫຍ່ ໂຕເລິມ ໄດ້ມີການພົບປະກັບທ່ານຮອງນາຍົກລັດຖະມົນຕີ ອັງກິດ David Lammy.

        ທີ່ການພົບປະ, ທ່ານເລຂາທິການໃຫຍ່ ໂຕເລິມ ແບ່ງປັນວ່າ ທ່ານຮອງນາຍົກລັດຖະມົນຕີ David Lammy ແມ່ນການນຳຜູ້ທຳອິດຂອງ ອັງກິດ ເຊິ່ງທ່ານເລຂາທິການໃຫຍ່ພົບປະ ພາຍຫຼັງທີ່ 2 ປະເທດຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດ ຮອບດ້ານ ແລະ ສະເໜີວ່າ ພາຍຫຼັງການຢ້ຽມຢາມ, ລັດຖະບານ 2 ຝ່າຍສ້າງແຜນການກະທຳ, ປັບປຸງບັນດາກົນໄກການຮ່ວມມືທີ່ມີຢູ່ແລ້ວ ແລະ ສ້າງຕັ້ງບັນດາກົນໄກໃໝ່ທີ່ຈຳເປັນຢ່າງວ່ອງໄວ, ເພື່ອຊຸກຍູ້ການຮ່ວມມື, ເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ນຳວົງເງິນການຄ້າ 2 ປະເທດໃຫ້ບັນລຸເປົ້າໝາຍ 15 ຕື້ USD, ຊອກຫາ ແລະ ປະຕິບັດໂຄງການປະພາຄານ, ດີເດັ່ນຈຳນວນໜຶ່ງທີ່ສອດຄ່ອງກັບລະດັບການພົວພັນ 2 ຝ່າຍອັນດີງາມ.