ນາຍົກລັດຖະມົນຕີ Nguyen Tan Dung ເຂົ້າຮ່ວມກອງປະຊຸມຂັ້ນສູງແມ່ຂອງ-ຍີ່ປຸ່ນຄັ້ງທີ 4
( vovworld ) – ໂດຍໄດ້ຮັບຄຳເຊີນຂອງນາຍົກລັດຖະມົນຕີຍີ່ປຸ່ນ Noda Yoshihiko, ທ່ານນາຍົກລັດຖະມົນຕີ ຫວຽດນາມ Nguyen Tan Dung ຈະນຳໜ້າຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມຂັ້ນສູງແມ່ຂອງ-ຍີ່ປຸ່ນຄັ້ງທີ 4 ຈັດຕັ້ງຢູ່ນະຄອນຫຼວງ Tokyo ປະເທດຍີ່ປຸ່ນ ໃນວັນທີ 20 ແລະ 21/4/2012. ທ່ານນາຍົກລັດຖະມົນຕີຍີ່ປຸ່ນ Noda Yoshihiko ຈະເປັນປະທານກອງປະຊຸມ. ຄາດວ່າ, ນາຍົກລັດຖະມົນຕີບັນດາປະເທດຫວຽດນາມ, ລາວ, ກຳປູເຈຍ, ໄທ ແລະ ປະທານາທິບໍດີ ມ້ຽນມາ ຈະເຂົ້າຮ່ວມກອງປະຊຸມ. ກອງປະຊຸມຂັ້ນສູງຄັ້ງນີ້ ຢືນຢັນຄວາມຕັດສິນໃຈຂອງບັນດາປະເທດແມ່ນ້ຳຂອງ ແລະ ຍີ່ປຸ່ນ ໃນການຊຸກຍູ້ການການຮ່ວມມືແມ່ຂອງ-ຍີ່ປຸ່ນ ເພື່ອຄວາມວັດທະນະຖາວອນ, ສະຖຽນລະພາບ ແລະ ການພັດທະນາແບບຍືນຍົງໃນພາກພື້ນແມ່ນ້ຳຂອງເວົ້າສະເພາະ ແລະ ພາກພື້ນອາຊີຕາເວັນອອກເວົ້າລວມ. ທີ່ກອງປະຊຸມຂັ້ນສູງແມ່ຂອງ-ຍີ່ປຸ່ນຄັ້ງນີ້, ທ່ານນາຍົກລັດຖະມົນຕີ ຫວຽດນາມ Nguyen Tan Dung ຈະກ່າວຄຳເຫັນກ່ຽວກັບທິດທາງແຫ່ງການຮ່ວມມືແມ່ຂອງ-ຍີ່ປຸ່ນ ໃນໄລຍະທີ່ຈະມາເຖິງ, ໃນນັ້ນມີບັນຫາຄຸ້ມຄອງ ແລະ ນຳໃຊ້ແຫຼ່ງນ້ຳໃນແມ່ນ້ຳຂອງແບບຍືນຍົງ ແລະ ທ່ານຈະຍົກອອກຂໍ້ລິເລີ່ມໃໝ່ກ່ຽວກັບການພັດທະນາລະບົບຂົນສົ່ງ ເພື່ອນຳໃຊ້ຕາໜ່າງແມ່ນ້ຳ, ສົມທົບ ແລະ ໜູນຊ່ວຍໃຫ້ການຂົນສົ່ງທາງບົກ ແລະ ທາງທະເລ.
