 ທ່ານ ສິນລະວົງ ຄຸດໄພທູນ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນແລະ ທ່ານນາຍົກລັດຖະມົນຕີ ຫງວຽນຊວນຟຸກ
|
(vovworld) - ຕອນບ່າຍວັນທີ 27/3 ຢູ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບ ທ່ານ ສິນລະວົງ ຄຸດໄພທູນ, ເລຂາຄະນະພັກ, ເຈົ້າຄອງນະຄອນຫຼວງວຽງຈັນ. ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ຕີລາຄາສູງ ໝາກຜົນການເຈລະຈາອັນດີງາມລະຫວ່າງ ການນຳນະຄອນ ຮ່າໂນ້ຍ ແລະ ວຽງຈັນ. ທ່ານນາຍົກລັດຖະມົນຕີ ໄດ້ສະເໜີນະຄອນ ຮ່າໂນ້ຍ ເອົາໃຈໃສ່ຊ່ວຍເຫຼືອນະຄອນຫຼວງວຽງຈັນ ແລະ ຢືນຢັນວ່າ: ການເສີມສ້າງນ້ຳໃຈມິດຕະພາບລະຫວ່າງ 2 ປະເທດ ບໍ່ພຽງແຕ່ແມ່ນຄວາມຮັບຜິດຊອບຂອງ 2 ກົມການເມືອງ, ລັດຖະບານເທົ່ານັ້ນ, ຫາກຍັງແມ່ນຄວາມຮັບຜິດຊອບຂອງບັນດາກະຊວງ, ຂະແໜງການ ແລະ ທ້ອງຖິ່ນຕ່າງໆຂອງ 2 ປະເທດ, ໃນນັ້ນມີ 2 ນະຄອນຫຼວງ. ສ່ວນທ່ານ ສິນລະວົງ ຄຸດໄພທູນ ຢືນຢັນຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນຊຸກຍູ້ ການພົວພັນ ລາວ - ຫວຽດນາມ ໃນໄລຍະຈະມາເຖິງໃຫ້ດີງາມຍິ່ງໆຂຶ້ນ.
