( vovworld ) – ໃນຂອບເຂດກອງປະຊຸມພາກພື້ນຈະເລີນເຕີບໂຕຂອງອາຊຽນຕາເວັນອອກ ( EAGA ), ຖືກດຳເນີນໄປລະຫວ່າງວັນທີ 14 – 16/5 ຢູ່ນະຄອນ Balickpapan ຂອງ ອີນໂດເນເຊຍ ນັ້ນ, ບັນດາປະເທດສະມາຊິກເຊິ່ງລວມມີ ອີນໂດເນເຊຍ, ມາເລເຊຍ, ບູໄນ ແລະ ຟີລິບປີນ ໄດ້ປຶກສາຫາລືກ່ຽວກັບຄວາມສາມາດສ້າງຕັ້ງເຂດເສດຖະກິດພິເສດຢູ່ບັນດາເຂດຊາຍແດນ. ຕາມທ່ານ Gellywn Jusuf, ເລຂາທິການໃຫຍ່ກະຊວງທະເລ ແລະ ອາຊີບປະມົງອີນໂດເນເຊຍ ແລ້ວ, ການເຄື່ອນໄຫວຮ່ວມມືຢູ່ບັນດາເຂດຊາຍແດນລະຫວ່າງບັນດາປະເທດສະມາຊິກຂອງ EAGA ຍັງຈຳກັດຢູ່, ບໍ່ສາມາດເສີມຂະຫຍາຍໄດ້ຄວາມສາມາດບົ່ມຊ້ອນທີ່ມີຢູ່ແລ້ວ. ເພາະສະນັ້ນ, ເລື່ອງສ້າງຕັ້ງເຂດເສດຖະກິດພິເສດຢູ່ທີ່ນີ້ແມ່ນຈຳເປັນທີ່ສຸດ ເພື່ອແນໃສ່ຊຸກຍູ້ການຮ່ວມມື, ລົງທຶນ ແລະ ການຄ້າໃນພາກພື້ນ. ຕາມທ່ານ Gellywn Jusuf ແລ້ວ, ຂໍ້ລີເລີມດັ່ງກ່າວຈະໄດ້ຮັບການປຶກສາຫາລືຈາກ 4 ປະເທດສະມາຊິກ ອີ່ງບົນຫຼັກການຕ່າງຝ່າຍຕ່າງມີຜົນແລະ ຮັບປະກັນສິດຜົນປະໂຫຍດຂອງແຕ່ລະຝ່າຍ.
