 (ບັນດາສະມາຊິກສະພາແຫ່ງຊາດຮ່ວມແຮງຮ່ວມໃຈແກ້ໄຂຜົນຮ້າຍຢ້ອນຫຼັງຈາກພາຍຸ, ນ້ຳຖ້ວມກໍ່ຂຶ້ນ) |
ຕອນເຊົ້າວັນທີ 24 ພະຈິກ, ຢູ່ ຮ່າໂນ້ຍ, ກອນທີ່ສືບຕໍ່ວາລະປະຊຸມທີ່ກອງປະຊຸມສະໄໝສາມັນເທື່ອທີ 10, ສະພາແຫ່ງຊາດ ຫວຽດນາມ ຊຸດທີ 15, ທ່ານປະທານສະພາແຫ່ງຊາດ ເຈິ່ນແທັງເໝີ້ນ, ບັນດາຮອງປະທານສະພາແຫ່ງຊາດ ແລະ ບັນດາສະມາຊິກສະພາແຫ່ງຊາດ ໄດ້ສະຫງວນເວລາ 1 ນາທີກົ້ມຫົວອາໄລຫາບັນດາຜູ້ຖືກເຄາະຮ້າຍໃນເຫດຝົນຕົກ, ນ້ຳຖ້ວມ; ພ້ອມກັນນັ້ນ, ຈັດການແຜ່ບໍລິຈາກໜູນຊ່ວຍພໍ່ແມ່ປະຊາຊົນແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ, ພາຍຸ, ນ້ຳຖ້ວມ.
ໃນຊຸມມືຜ່ານມາ, ການເກີດຝົນຕົກ, ນ້ຳຖ້ວມຄັ້ງປະຫວັດສາດ ໄດ້ກໍ່ຄວາມເສຍຫາຍເປັນພິເສດຢູ່ບັນດາແຂວງ ຢາລາຍ, ດັກລັກ, ແຄ໊ງຮ່ວາ ແລະ ເລິມດົ່ງ. ຄະນະປະຈຳສະພາແຫ່ງຊາດ, ບັນດາສະມາຊິກສະພາແຫ່ງຊາດ, ພະນັກງານ, ພາລະກອນ, ລັດຖະກອນ, ຜູ້ອອກແຮງງານຢູ່ບັນດາອົງການຂອງສະພາແຫ່ງຊາດ, ຫ້ອງການສະພາແຫ່ງຊາດ ໄດ້ສະໜັບສະໜູນຢ່າງໜ້ອຍສຸດເງິນເດືອນ 1 ມື້ ເພື່ອຮ່ວມແຮງຮ່ວມໃຈແກ້ໄຂຜົນຮ້າຍຢ້ອນຫຼັງຈາກພາຍຸ, ນ້ຳຖ້ວມກໍ່ຂຶ້ນ. ທ່ານຮອງປະທານຜູ້ປະຈຳການສະພາແຫ່ງຊາດ ໂດ້ວັນຈຽນ, ເນັ້ນໜັກວ່າ:
“ພາຍຸ, ນ້ຳຖ້ວມ, ໄພທຳມະຊາດ ເຖິງວ່າຮ້າຍກາດຄືແນວໃດກໍ່ຕາມ ແລ້ວກໍ່ຜ່ານໄປ, ແຕ່ຈິດໃຈເພື່ອນສະຫາຍ, ນ້ຳໃຈພໍ່ແມ່ປະຊາຊົນ ແລະ ມູນເຊື້ອວັດທະນະທຳອັນດີງາມຂອງຊາດ ຫວຽດນາມ ແມ່ນອູ້ມຊູຊ່ວຍເຫຼືອເຊິ່ງກັນແລະກັນ ຍັງປະໄວ້ຕະຫຼອດໄປ. ສະພາແຫ່ງຊາດຂໍຈົດຈຳ, ຂອບໃຈ ແລະ ຍ້ອນຍໍບັນດາກຳລັງກອງທັບ, ຕຳຫຼວດ ແລະ ບັນດາກຳລັງຢູ່ກັບທີອື່ນ ບໍ່ຫວາດຫວັນຕໍ່ຄວາມຫຍຸ້ງຍາກ, ລຳບາກ, ອັນຕະລາຍ ສຸມເຫືອເທແຮງເພື່ອໜູນຊ່ວຍປະຊາຊົນເຂດຖືກໄພທຳມະຊາດ”.
