ປຸກລະດົມການເສັງຊິງລາງວັນສື່ມວນຊົນ ເພື່ອພາລະກິດມະຫາສາມັກຄີທົ່ວປວງຊົນທັງຊາດຄັ້ງທີ 10
(ພາບປະກອບ:mofahcm.gov.vn)
( vovworld )- ຕອນເຊົ້າວັນທີ 18/6, ຢູ່ຮ່າໂນ້ຍ, ສູນກາງແນວໂຮມປະເທດຊາດຫວຽດນາມ ໄດ້ຈັດພິທີສະເຫຼີມສະຫຼອງວັນສື່ມວນຊົນປະຕິວັດຫວຽດນາມ ແລະ ປຸກລະດົມການເສັງຊິງລາງວັນສື່ມວນຊົນ “ເພື່ອພາລະກິດມະຫາສາມັກຄີທົ່ວປວງຊົນທັງຊາດ“ ຄັ້ງທີ 10 ປີ 2012. ບັນດາບົດຂຽນສົ່ງເຂົ້າຮ່ວມການເສັງຊິງລາງວັນສື່ມວນຊົນ “ເພື່ອພາລະກິດມະຫາສາມັກຄີທົ່ວປວງຊົນທັງຊາດ“ ແມ່ນບັນດາບົດຂຽນທີ່ມີລັກສະນະຄົ້ນພົບ, ສ່ອງແສງຢ່າງຊັດເຈັນ, ທັນການຄໍ່ກັບບັນດາເນື້ອໃນຄື: ຜັນຂະຫຍາຍບັນດາຂະບວນການແຂ່ງຂັນຮັກຊາດ, ຜັນຂະຫຍາຍປະຕິບັດມະຕິ ກອງປະຊຸມໃຫ່ຍຄັ້ງທີ 11ຂອງພັກກອມມູນິດຫວຽດນາມ ; ແນວໂຮມປະເທດຊາດຂັ້ນຕ່າງໆເຂົ້າຮ່ວມການກໍ່ສ້າງພັກ, ລັດປອດໃສ, ໝັ້ນຄົງເຂັ້ມແຂງ; ໝາກຜົນບັ້ນຂົນຂວາຍຮ່ຳຮຽນແລະ ປະຕິບັດຕາມແບບຢ່າງຄຸນສົມບັດປະທານໂຮ່ຈິມິນ….ກ່າວຄຳເຫັນທີ່ພິທີ, ທ່ານ Nguyen The Ky ຮອງຫົວໜ້າຄະນະໂຄສະນາສຶກສາສູນກາງຊີ້ແຈງວ່າ: “ການເສັງຄັ້ງນີ້ມີຫົວຂໍ້ແມ່ນນ້ຳໃຈມະຫາສາມັກຄີທົ່ວປວງຊົນທັງຊາດ. ຊາວຫວຽດນາມ ຢູ່ພາຍໃນ ແລະ ຕ່າງປະເທດຮ່ວມແຮງຮ່ວມໃຈສ້າງສາ ແລະ ປົກປັກຮັກສາປະເທດຊາດ. ພວກເຮົາຕ້ອງປ່ຽນໃໝ່ວິທີຂຽນ, ເຮັດໃຫ້ບັນດາບົດຂຽນມີເນື້ອໃນສັງລວມ, ທັງດູດດື່ມ, ທັງມີຊີວິດຊີວາ, ມີກຳລັງແຜ່ຂະຫຍາຍ ແລະ ມີລັກສະນະເກ້ຍກ່ອມ“.
