ປຸກລະດົມການສອບເສັງຊອກຮູ້ປະຫວັດສາດແຫ່ງການພົວພັນຫວຽດນາມ-ລາວ
( vovworld ) – ວັນທີ 9/4, ຢູ່ນະຄອນຫຼວງວຽງຈັນ, ຄະນະໂຄສະນາສຶກສາສູນກາງພັກກອມມູນິດຫວຽດນາມ ແລະ ຄະນະໂຄສະນາອົບຮົມສູນກາງພັກປະຊາຊົນປະຕິວັດລາວ ໄດ້ປຶກສາຫາລືແຜນການປຸກລະດົມ “ການເສັງຊອກຮູ້ປະຫວັດສາດແຫ່ງການພົວພັນແບບພິເສດຫວຽດນາມ-ລາວ, ລາວ-ຫວຽດນາມ“. ສອງຝ່າຍໄດ້ເຫັນດີເປັນເອກະສັນກ່ຽວກັບລະບຽບການ, ຮູບການ, ເວລາ, ເປົ້າໝາຍ ແລະ ລາງວັນການເສັງ ດ້ວຍຈຸດປະສົງຕອບສະໜອງ “ປີແຫ່ງຄວາມສາມັກຄີມິດຕະພາບຫວຽດນາມ-ລາວ 2012“, ຂ່ຳນັບຮັບຕ້ອນພິທີສະເຫຼີມສະຫຼອງ 50 ປີແຫ່ງວັນສ້າງຕັ້ງສາຍພົວພັນທາງການທູດ ແລະ 35 ປີແຫ່ງວັນເຊັນສົນທິສັນຍາມິດຕະພາບ ການຮ່ວມມືຮອບດ້ານລະຫວ່າງສອງປະເທດ. ເປົ້າໝາຍເຂົ້າຮ່ວມການເສັງແມ່ນພົນລະເມືອງຫວຽດນາມ ແລະ ລາວ ຢູ່ພາຍໃນ ແລະ ຕ່າງປະເທດ. ຄາດວ່າ ພິທີມອບລາງວັນຈະຈັດຂຶ້ນຢູ່ແຂວງສະຫວັນນະເຂດຂອງລາວ.
