ປະກາດໃຊ້ລະບຽບການເຮັດວຽກຂອງຄະນະຊີ້ນຳແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກ
(vovworld) – ທ່ານນາຍົກລັດຖະມົນຕີ Nguyen Tan Dung, ຫົວໜ້າຄະນະຊີ້ນຳແຫ່ງຊາດກ່ຽວກັບ “ໂຄງການດຳເນີນງານແຫ່ງຊາດແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກພາຍຫຼັງສົງຄາມ” (ເຊິ່ງເອີ້ນຫຍໍ້ວ່າ ຄະນະຊີ້ນຳ 504) ໄດ້ປະກາດໃຊ້ລະບຽບການເຮັດວຽກຂອງຄະນະຊີ້ນຳ. ຕາມນັ້ນແລ້ວ, 6 ເດືອນເທື່ອ 1, ຄະນະຊີ້ນຳຈະຈັດຕັ້ງການກວດກາຕີລາຄາການຜັນຂະຫຍາຍການປະຕິບັດຂໍ້ຕົກລົງຂອງນາຍົກລັດຖະມົນຕີ ກ່ຽວກັບການເຊັນອະນຸມັດໂຄງການດຳເນີນງານແຫ່ງຊາດແກ້ໄຂຜົນຮ້າຍຢ້ອນຫຼັງຈາກລະເບີດບໍທັນແຕກພາຍຫຼັງສົງຄາມຢູ່ກະຊວງ, ຂະແໜງການ, ທ້ອງຖິ່ນຕ່າງໆ. ຄະນະຊີ້ນຳ 504ມີ ໜ້າທີ່ຄົ້ນຄ້ວາ, ສະເໜີກັບນາຍົກລັດຖະມົນຕີທິດທາງ, ມາດຕະການເພື່ອມີຍຸດທະສາດລະດົມ, ຂົນຂວາຍການອຸປະຖຳ ເພື່ອແນໃສ່ດຶງດູດບັນດາແຫຼ່ງກຳລັງຈາກພາຍໃນ ແລະ ຕ່າງປະເທດ ເພື່ອແກ້ໄຂຜົນຮ້າຍຢ້ອນຫຼັງຈາກລະເບີດບໍ່ທັນແຕກພາຍຫຼັງສົງຄາມຢູ່ຫວຽດນາມໂດຍໄວ.
