 ( ພາບ : Sana )
|
( vovworld ) - ວັນທີ 11/3, ພາຍຫຼັງກອງປະຊຸມຄັ້ງທີ 2 ກັບທ່ານປະທານາທິບໍດີຊີຣີ Al Assad, ທູດພິເສດຮ່ວມຂອງສະຫະປະຊາຊາດ ແລະ ສະຫະພັນອາຣັບ, ທ່ານ Kofi Annan ໄດ້ກ່າວຄຳເຫັນກັບວົງການນັກຂ່າວວ່າ, ທ່ານມີຄວາມປະເອີບໃຈ, ແຕ່ກໍ່ຍອມຮັບວ່າຍາກທີ່ຈະບັນລຸໄດ້ຂໍ້ຕົກລົງຢຸດຕິການໃຊ້ຄວາມຮຸນແຮງຢູ່ຊີຣີ. ອະດິດເລຂາທິການໃຫຍ່ສະຫະປະຊາຊາດໃຫ້ຮູ້ວ່າ ທ່ານໄດ້ສະເໜີຕໍ່ທ່ານປະທານາທິບໍດີຊີຣີ ບັນດາມາດຕະການແກ້ໄຂວິກິດການຢູ່ຊີຣີ ຢ່າງລະອຽດ ເຊິ່ງຕາມທ່ານ Annan ແລ້ວ, ບັນດາຂໍ້ສະເໜີນັ້ນ “ ຈະສົ່ງຜົນສະທ້ອນເຖິງສະພາບຕົວຈິງ ແລະ ຊ່ວຍປຸກລະດົມວິວັດການເພື່ອຢຸດຕິວິກິດການນີ້ ”. ຕາມທ່ານ Annan ແລ້ວ, ການເຈລະຈາກັບທ່ານປະທານາທິບໍດີ Assad ແມ່ນສຸມໃສ່ເຂົ້າໃນບັນດາເປົ້າໝາຍຕົ້ນຕໍ່ຂອງວິວັດການນັ້ນ, ເພື່ອຢຸດຕິການໃຊ້ຄວາມຮຸນແຮງ ແລະ ຄວາມບາດເຈັບລົ້ມຕາຍໂດຍທັນທີ, ອະນຸຍາດໃຫ້ບັນດາອົງການມະນຸດສະທຳສຳພັດເຂດທີ່ເຄັ່ງຮ້ອນ ແລະ ເລີ່ມຕົ້ນການເຈລະຈາດ້ານການເມືອງ.
