 (ທ່ານ ຫງວຽນວັນຕວັນ ຊາວນະຄອນ ເກິນທີ) |
ເພື່ອມຸ່ງໄປເຖິງກອງປະຊຸມໃຫຍ່ຄັ້ງທີ XIV ຂອງພັກ ທີ່ພວມດຳເນີນໄປ, ພະນັກງານ, ສະມາຊິກພັກ ແລະ ປະຊາຊົນນະຄອນ ເກິນເທີ ໄດ້ຝາກຝັງຄວາມເຊື່ອໝັ້ນຕໍ່ກອງປະຊຸມໃຫຍ່ ຈະມີບັນດານະໂຍບາຍຊີ້ຂາດທີ່ມີລັກສະນະຍຸດທະສາດ ເພື່ອໃຫ້ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ບຸກທະລຸຢ່າງແຮງ, ພັດທະນາແບບຍືນຍົງໃນໄລຍະຈະມາເຖິງ.
ໃນສະໄໝຜ່ານມາ, ພັກ ແລະ ລັດ ໄດ້ສະຫງວນແຫຼ່ງກຳລັງຢ່າງໃຫຍ່ຫຼວງພິເສດ, ດ້ວຍຍອດຈຳນວນເງິນກວ່າ 22,8 ຕື້ USD ເພື່ອລົງທຶນພື້ນຖານໂຄງລ່າງຄົມມະນາຄົມໃຫ້ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ, ສ້າງຄວາມສະດວກໃຫ້ແກ່ການໄປມາ, ແລກປ່ຽນການຄ້າ.
ທ່ານ ຫງວຽນວັນຕວັນ ແລະ ທ່ານ ຫງວຽນກວາງຖາວ, ຊາວນະຄອນ ເກິນທີ ຖືວ່າ:
“ພັດທະນາດ້ານຄົມມະນາຄົມ, ໂຮງຮຽນ, ສຸກສາລາ ເພື່ອຮັບປະກັນການດຳລົງຊີວິດຂອງປະຊາຊົນໃຫ້ດີກວ່າ, ນີ້ແມ່ນສິ່ງທີ່ພວກຂ້າພະເຈົ້າລໍຄອຍ. ຕ້ອງເອົາໃຈໃສ່ຫຼາຍກວ່າອີກ ເພື່ອເຮັດແນວໃຫ້ໃດໃຫ້ບັນຫາຂົວ, ທາງ, ໂຮງຮຽນ, ສຸກສາລາຕ້ອງຮັບປະກັນເພື່ອພັດທະນາເສດຖະກິດເວົ້າລວມ, ຮັບປະກັນການດຳລົງຊີວິດຂອງປະຊາຊົນໃຫ້ດີງາມກວ່າ”.
“ຕ້ອງເອົາໃຈໃສ່ລົງທຶນດ້ານພື້ນຖານໂຄງລ່າງຄົມມະນາຄົມຢ່າງຄົບຊຸດ, ລຸລ່ວງດ້ານຄົມມະນາຄົມ ໃນນັ້ນມີທາງບົກ, ທາງນ້ຳ, ນັບທັງທາງການບິນ. ບັນຫາທີ 2 ແມ່ນພວກເຮົາຕ້ອງເອົາໃຈໃສ່ເຖິງການລົງທຶນ ຕິດພັນກັບການສຶກສາ ແລະ ບຳລຸງສ້າງ. ບັນຫາທີ 3 ແມ່ນດ້ານສາທາລະນະສຸກ, ການເບິ່ງແຍງດູແລ, ປິ່ນປົວພະຍາດໃຫ້ປະຊາຊົນ ກໍ່ມີຄວາມສຳຄັນຍິ່ງ”.
