ປະທານປະເທດຫວຽດນາມ ເຂົ້າຮ່ວມກອງປະຊຸມສຳມະນາວິທະຍາສາດ “ຍົກສູງຄຸນນະພາບ, ປະສິດທິຜົນໃນການວິຈານວັນນະຄະດີ“
ທ່ານ Truong Tan Sang ກ່າວຄຳເຫັນທີ່ກອງປະຊຸມສຳມະນາ
(ພາບ:truongtansang.net)
( vovworld ) – ຕອນເຊົ້າວັນທີ 10/4, ໃນການເຂົ້າຮ່ວມ ແລະ ກ່າວປາໄສທີ່ກອງປະຊຸມສຳມະນາວິທະຍາສາດ “ຍົກສູງຄຸນນະພາບ, ປະສິດທິຜົນໃນການວິຈານວັນນະຄະດີ“ ໂດຍສະພາທິດສະດີວິຈານວັນນະຄະດີສິລະປະສູນກາງ ສົບທົບກັບສະມາຄົມນັກປະພັນຈັດຕັ້ງຂຶ້ນນັ້ນ, ທ່ານປະທານປະເທດຫວຽດນາມ Truong Tan Sang ຖືວ່າ: ນີ້ແມ່ນກອງປະຊຸມສຳມະນາທີ່ສຳຄັນໃນປີ 2012 ເພື່ອແນໃສ່ສືບຕໍ່ປະຕິບັດໜື່ງໃນໜ້າທີ່ໄດ້ວາງອອກໃນມະຕິເລກທີ 23 ຂອງກົມການເມືອງຊຸດທີ 10 ກ່ຽວກັບ “ການສືບຕໍ່ສ້າງ ແລະ ພັດທະນາວັນນະຄະດີສິລະປະໃນໄລຍະໃໝ່“. ທ່ານປະທານປະເທດຫວຽດນາມ Truong Tan Sang ສະເໜີໃຫ້ສະພາທິດສະດີວິຈານວັນນະຄະດີສິລະປະສູນກາງ ຕ້ອງເສີມຂະຫຍາຍທີ່ຕັ້ງ ພາລະໜ້າທີ່ຂອງສະພາ ເພື່ອແນໃສ່ປະຕິບັດມະຕິເລກທີ 23 ແລະ ຊອກຫາມາດຕະການຊຸກຍູ້ການພັດທະນາຂອງວັນນະຄະດີສິລະປະຫວຽດນາມ: “ມະຕິເລກທີ 23 ຂອງກົມການເມືອງໄດ້ຖືກສ້າງຂຶ້ນ ເພື່ອແນໃສ່ສ້າງການຫັນປ່ຽນໃໝ່ດ້ານວັນນະຄະດີສິລະປະໃນສະພາບການໃໝ່, ເຊື່ອມໂຍງເຂົ້າກັບທົ່ວໂລກ. ຂ້າພະເຈົ້າຖືວ່າ, ຖ້າໄດ້ເສີມຂະຫຍາຍບົດບາດເປັນຢ່າງດີທີ່ສຸດ, ຈະແກ້ໄຂບັນດາຈຸດອ່ອນໃນບົດລາຍງານຊຸດນີ້ໄດ້. ເພື່ອເຮັດໄດ້ຄືແນວນັ້ນ, ຕ້ອງຈັດບັນດາກອງປະຊຸມສຳມະນາຫຼາຍກ່ວາອີກ ເພື່ອແລກປ່ຽນກ່ຽວກັບບັນດາບັນຫາເຄັ່ງຮ້ອນຂອງວັນນະຄະດີຫວຽດນາມຢ່າງກົງໄປກົງມາ“
