( vovworld ) – ຕອນເຊົ້າວັນທີ 2/5, ທ່ານປະທານສະພາແຫ່ງຊາດ Nguyen Sinh Hung ພ້ອມກັບຄະນະສະມາຊິກສະພາແຫ່ງຊາດແຂວງ Ha Tinh ລົງໄປກວດກາຄວາມຄຶບໜ້າໃນການກໍ່ສ້າງ, ສົມທົບກັນແກ້ໄຂຄວາມຫຍຸ້ງຍາກຂອງບັນດານັກລົງທຶນ, ພ້ອມທັງຢື້ຢາມຖາມຂ່າວ, ບຸກລະດົມກຳລັງໃຈໝູ່ຄະນະພະນັກງານ, ນັກວິສາວະກອນ, ກຳມະກອນ, ພາລະກອນ, ຄົນງານທີ່ພວມປະຕິບັດງານຢູ່ກິດຈະກຳກໍ່ສ້າງເຂດເສດຖະກິດ Vung Ang, ເມືອງ Ky Anh, ແຂວງ Ha Tinh. ນະທີ່ນີ້ທ່ານປະທານສະພາແຫ່ງຊາດ Nguyen Sinh Hung ໃຫ້ຮູ້ວ່າ; ສະພາແຫ່ງຊາດ, ລັດຖະບານຫວຽດນາມ ພວມຕັ້ງໜ້າຊອກຫາບັນດາມາດຕະການທີ່ເໝາະສົມ ເພື່ອແກ້ໄຂຄວາມຫຍຸ້ງຍາກ, ຊຸກຍູ້ລະດັບການພັດທະນາຂອງບັນດາເຂດອຸດສາຫະກຳ, ເຂດເສດຖະກິດໃນທົ່ວປະເທດໂດຍໄວ, ໃນນັ້ນມີເຂດເສດຖະກິດ Vung Ang ດ້ວຍຄວາມສຳຄັນພິເສດແມ່ນເຂດຈຸດສຸມອຸດສາຫະກຳທາງທິດເໜືອພາກກາງ. ໃນສະພາບຄວາມຫຍຸ້ງຍາກລວມຍ້ອນຜົນສະທ້ອນຢ່າງໜັກໜ່ວງເຖິງວິກິດການເສດຖະກິດທົ່ວໂລກ, ທ່ານປະທານສະພາແຫ່ງຊາດໄດ້ສະເໜີໃຫ້ບັນດານັກລົງທຶນ, ຄະນະຄຸ້ມຄອງເຂດເສດຖະກິດ Vung Ang, ອຳນາດການປົກຄອງທ້ອງຖິ່ນ ຄວນຕັ້ງໜ້າກວ່າອີກໃນວຽກງານສົມທົບກັນ, ເປັນເຈົ້າການມີມາດຕະການແກ້ໄຂຄວາມຫຍຸ້ງຍາກ, ຍູ້ແຮງຄວາມຄືບໜ້າຂອງໂຄງການ, ສູ້ຊົນນຳກິດຈະກຳເຂົ້າເຄື່ອນໄຫວ, ປະກອບສ່ວນສຳຄັນເຂົ້າໃນການພັດທະນາເສດຖະກິດສັງຄົມໃນບໍລິເວັນແຂວງ.
