ປະ​ທານ​ສະ​ພາ​ແຫ່ງ​ຊາດ ຫວຽດ​ນາມ ​ຕ້ອນ​ຮັບ​ປະ​ທານ​ສາ​ນ​ປະ​ຊາ​ຊົນ​ສູງ​ສຸດ ລາວ

ທີ່ການຕ້ອນຮັບ, ທ່ານປະທານສະພາແຫ່ງຊາດ ເວືອງດິ່ງເຫວ້ ໄດ້ຕີລາຄາສູງຕໍ່ສະພາບການຮ່ວມມືຂອງສານປະຊາຊົນສູງສຸດສອງປະເທດໃນໄລຍະຜ່ານມາ, ຕາມຂໍ້ຕົກລົງຮ່ວມມືທີ່ໄດ້ລົງນາມໃນປີ 2008 ແລະ ຂຶ້ນແຜນເຄື່ອນໄຫວຮ່ວມມືໃນປີ 2022.

ທ່ານປະທານສະພາແຫ່ງຊາດ ຫວຽດນາມ ເວືອງດິ່ງເຫວ້ ຕ້ອນຮັບທ່ານນາງ ສາດສະດາຈານ. ປອ.ວຽງທອງ ສີພັນດອນ, ປະທານສານປະຊາຊົນສູງສຸດ ລາວ (ພາບ: VOV)

ທ່ານປະທານສະພາແຫ່ງຊາດ ເວືອງດິ່ງເຫວ້ ຢັ້ງຢືນວ່າ ສະພາແຫ່ງຊາດ ຫວຽດນາມ ພ້ອມດ້ວຍສານປະຊາຊົນສູງສຸດຂອງ ຫວຽດນາມ ຈະແບ່ງປັນປະສົບການກັບສານປະຊາຊົນສູງສຸດ ລາວ ໃນໄລຍະສ້າງຮ່າງມະຕິ ແລະ ແບບວິທີຜັນຂະຫຍາຍເນື້ອໃນດັ່ງກ່າວ ພາຍຫຼັງທີ່ໄດ້ຮັບການປະກາດໃຊ້. ຄຽງຄູ່ກັນນັ້ນ, ສະພາແຫ່ງຊາດ ຫວຽດນາມ ແລະ ອົງການຕ່າງໆຂອງສະພາແຫ່ງຊາດ ພ້ອມແລ້ວທີ່ຈະແບ່ງປັນປະສົບການກັບສານປະຊາຊົນສູງສຸດ ລາວ ໃນບັນດາຂົງເຂດທີ່ກ່ຽວຂ້ອງ.

ທ່ານປະທານສະພາແຫ່ງຊາດ ກໍປາດຖະໜາວ່າ ສານປະຊາຊົນສູງສຸດສອງປະເທດ ເສີມຂະຫຍາຍບັນດາໝາກຜົນທີ່ບັນລຸໄດ້, ຍົກສູງປະສິດທິຜົນການເຄື່ອນໄຫວໃນໄລຍະຈະມາເຖິງຢ່າງບໍ່ຢຸດຢັ່ງ. ໃນຖານະຕຳແຫນ່ງຂອງຕົນ, ປະທານສະພາແຫ່ງຊາດ ຈະສະໜັບສະໜູນ ແລະ ໃຫ້ການໜູນຊ່ວຍ ເພື່ອໃຫ້ສອງອົງການສືບຕໍ່ເພີ່ມທະວີການຮ່ວມມືໃນໄລຍະຈະມາເຖິງ.