ປະທານາທິບໍດີ Dmitry Medvedev ໄດ້ເຕື້ອງເຖິງບັນຫາສະຖານະການຮ້ອນເຮັ່ງຂອງລັດເຊຍ
(vovworld) - ໃນເວລາ 2 ຊົ່ວໂມງຕອບສຳພາດໂດຍກົງຕໍ່ການນຳ 5 ຊ່ອງໂທລະພາບໃຫຍ່ຢູ່ລັດເຊຍເມື່ອວັນທີ 26/4, ທ່ານປະທານາທິບໍດີ Dmitry Medvedev ໄດ້ເຕື້ອງເຖິງບັນດາບັນຫາສາຖານະການ ຮ້ອນເຮັ່ງທີ່ພວມວາງອອກຕໍລັດເຊຍ. ເມື່ອສະຫຼຸບຫຍໍ້ບັນດາຜົນງານທີ່ບັນລຸໄດ້ໃນໄລຍະ 4 ປີຜ່ານມາ ເຊິ່ງທ່ານຮັກສາຕຳແໜ່ງປະມຸກລັດປະເທດລັດເຊຍ, ທ່ານປະທານາທິບໍດີ Medvedev ໄດ້ຊີ້ແຈ້ງຜົນງານໃຫຍ່ສຸດບັນລຸໄດ້ແມ່ນພັດທະນາສັງຄົມແຫ່ງເສລີພາບ ແລະ ປະຊາທິປະໄຕຢູ່ລັດເຊຍ. ລັດເຊຍແມ່ນປະເທດໄດ້ຜ່ານຜ່າວິກິດການເສດຖະກິດ - ການເງິນທົ່ວໂລກ ດ້ວຍລະດັບເສຍຫາຍໜ້ອຍສຸດ ແລະ ຟື້ນຟູເສດຖະກິດ - ສັງຄົມໂດຍໄວ. ເຖິງຢ່າງໃດກໍຕາມ, ທ່ານກໍຖືວ່າ: ບັນດາຜົນງານດັ່ງກ່າວແມ່ນຍັງບໍ່ທັນໃຫຍ່ຫຼວງ. ກ່ຽວກັບບັນດາໜ້າທີ່ຕໍ່ໜ້າ, ທ່ານປະທານາທິບໍດີ Medvedev ຢືນຢັນວ່າ: ຖ້າຫາກໄດ້ຮັບຄວາມໄວ້ເນື້ອເຊື່ອໃຈນຳພາລັດຖະບານໃໝ່ຂອງສະຫະພັນລັດເຊຍ, ທ່ານຈະສືບຕໍ່ປະຕິບັດບັນດາຄຳໝັ້ນສັນຍາທີ່ໄດ້ຍົກອອກມາໃນໄລຍະຜ່ານມາ, ລວມມີການປະຕິຮູບບັນດາກຳລັງປະກອບອາວຸດ ເພື່ອແນໃສ່ປະກອບສ່ວນຮັກສາປະຊາທິປະໄຕ ແລະ ຄວາມສະຫງົບປອດໄພຂອງປະເທດຊາດຢ່າງໝັ້ນຄົງ, ໃຫ້ບຸລິມະສິດພັດທະນາການສຶກສາ, ສືບຕໍ່ປະຕິຮູບລະບົບການເມືອງ, ປະຕິບັດ ແລະ ສຳເລັດບັນດາຄາດໝາຍພັດທະນາເສດຖະກິດ - ສັງຄົມທີ່ໄດ້ຮັບການປະກາດແລ້ວ, ຫຼຸດຜ່ອນຄວາມທຸກຍາກອຶດຫິວ ແລະ ໄພວາງງານ, ດັບປັບສະພາບແວດລ້ອມແຫ່ງການລົງທຶນ...
