ໂຄງການປະຕິຮູບໂດຍທ່ານ Mahmoud Abbas ປະທານາທິບໍດີ ປາແລັດສະຕິນ ປະກາດໃນວັນທີ 24 ທັນວາ ເພື່ອແນໃສ່ປັບປຸງອຳນາດກົດໝາຍ, ປັບປຸງລັກສະນະໂປ່ງໃສ ແລະ ຮັບປະກັນການແບ່ງສິດອຳນາດ ເພື່ອເພີ່ມທະວີການຄວາມໄວ້ເນື້ອເຊື່ອໃຈຂອງມະຫາຊົນຕໍ່ອຳນາດການປົກຄອງ ປາແລັດສະຕິນ (PA).
ບັນດາມາດຕະການທີ່ໄດ້ສະເໜີ ລວມມີ: ພິຈາລະນາຄືນບັນດາຂໍ້ກຳນົດຂອງກົດໝາຍ ຕໍ່ການເຄື່ອນໄຫວດ້ານການເມືອງ ແລະ ເສດຖະກິດ, ດ້ວຍຈຸດສຸມມຸ່ງໄປເຖິງການຕິດຕາມກວດກາດ້ານການເງິນ, ຍຸຕິທຳ ແລະ ບັນດາມາດຕະການເພີ່ມທະວີການຕ້ານການສໍ້ລາດບັງຫຼວງ. ບັນດາການປັບປຸງ ກໍ່ແນໃສ່ມອບສິດເປັນເຈົ້າຫຼາຍກ່ວາໃຫ້ແກ່ບັນດາຮາກຖານຕິດຕາມກວດກາ. ໂຄງການດຳເນີນງານໄດ້ຍົກອອກວິວັດການຫັນປ່ຽນຈາກ PA ໄປເປັນລັດເອກະລາດສົມບູນ, ລວມມີການປັບປຸງກົດໝາຍວ່າດ້ວຍການເລືອກຕັ້ງ ແລະ ຮຽບຮຽງກົດໝາຍສະບັບໃໝ່ກ່ຽວກັບບັນດາພັກການເມືອງ.
ກຳລັງ ຮາມາດສໄດ້ຕຳໜິຕິຕຽນການກະທຳນີ້ ແລະ ຖືວ່າ ການຍົກອອກໂຄງການປະຕິຮູບດັ່ງກ່າວ ແມ່ນຂາດຄວາມເຫັນດີເຫັນພ້ອມ ແລະ ການປະຕິຮູບລັດທະທຳມະນູນຕ້ອງການໂອ້ລົມສົນທະນາທີ່ກວ້າງຂວາງກວ່າ ແມ່ນ ບັນດາການຕັດສິນແບບພຽງລຳພັງຝ່າຍດຽວ.
