(vovworld) - ຕອນບ່າຍວັນທີ 24/4, ທ່ານນາຍົກລັດຖະມົນຕີທັງເປັນປະທານາທິບໍດີຫາກໍໄດ້ຮັບການເລືອກຕັ້ງ Vladimir Putin ໄດ້ປະກາດຈະເຊົາດຳລົງຕຳແໜ່ງປະທານພັກປະເທດລັດເຊຍເອກະພາບ (ຫຼື UR) ກຳອຳນາດພາຍຫຼັງຮັບຕຳແໜ່ງປະທານາທິບໍດີໃນວັນທີ 7/5 ຈະມາເຖິງ. ກ່າວຄຳເຫັນທີ່ການພົບປະກັບຄະນະການນຳພັກປະເທດລັດເຊຍເອກະພາບ, ທ່ານ Putin ຕີລາຄາສູງບົດບາດຕັ້ງໜ້າຂອງພັກນີ້ໃນການນຳປະເທດລັດເຊຍຫຼຸດຜົ້ນອອກຈາກຜົນສະທ້ອນຂອງວິກິດການການເງິນທົ່ວໂລກ, ຄວາມສາມັກຄີສັງຄົມ ແລະ ພົນລະເມືອງລັດເຊຍທຸກຄົນ ເພື່ອຟື້ນຟູ ແລະ ປົຄອງບໍລິຫານປະເທດຊາດໃຫ້ຈະເລີນຮຸງເຮືອງ. ທ່ານຢືນຢັນວ່າ: ພັກປະເທດລັດເຊຍເອກະພາບມີທຸກໆ ເງື່ອນໄຂ ແລະ ກາລະໂອກາດເພື່ອຮັກສາທີ່ຕັ້ງແມ່ນການນຳຂອງລັດເຊຍ ຜ່ານການພິສູດໃຫ້ພົນລະເມືອງລັດເຊຍ ເຫັນໄດ້ວ່າທິດທາງພັດທະນາປະເທດຊາດ ແລະ ເສດຖະກິດ - ສັງຄົມ ໂດຍພັກປະເທດລັດເຊຍເອກະພາບ ນຳສະເໜີແມ່ນສ່ອງແສງ ແລະ ດີທີສຸດໃນປະຈຸບັນ. ທ່ານ Putin ສະເໜີໃຫ້ພັກປະເທດລັດເຊຍເອກະລາດ ດຳເນີນກອງປະຊຸມໃນທ້າຍເດືອນ 5 ຈະມາເຖິງ ເພື່ອເລືອກຕັ້ງປະທານຄົນໃໝ່, ພ້ອມທັງສະເໜີທ່ານປະທານາທິບໍດີຄົນປະຈຸບັນ ແລະ ຈະເປັນນາຍົກລັດຖະມົນຕີໃນອະນາຄົດ Dmitry Medvedev ຮັບໜ້າທີ່ອັນໜັກໜ່ວງນີ້.
