ປາແລດຕີນ ກ່າວປະນາມ ອິດສະຣາແອນ ເຮັດໃຫ້ເຂດຕັ້ງຖີ່ນຖານຄົງທີ່ກາຍເປັນເຂດທີ່ຖືກຕ້ອງຕາມກົດໝາຍ
(vovworld) - ວັນທີ 24/4, ລັດຖະບານ ປາແລດຕີນ ໄດ້ຕຳນິຕິຕຽນຂໍ້ຕົກລົງຫ່ວາງແລ້ວນີ້ຂອງ ອິດສະຣາແອນ ທີ່ໄດ້ຫັນເຂດເຮືອນຢູ່ ໃນຝັ່ງຕາເວັນຕົກແມ່ນ້ຳຈໍແດນກາຍເປັນເຂດຖືກຕ້ອງຕາມກົດໝາຍ. ກ່າວຄຳເຫັນກັບວົງການນັກຂ່າວ, ໂຄສົກຂອງປະທານາທິບໍດີ ປາແລດຕີນ Nabil Abu Rudeina ໄດ້ຖືວ່າ: ຂໍ້ຕົກລົງນີ້ຂອງອິດສະຣາແອນ ແມ່ນການໂຕ້ຕອບຕໍ່ຈົດໝາຍຂອງປະທານາທິບໍດີ Mahmud Abbas ທີ່ສົ່ງເຖິງນາຍົກລັດຖະມົນຕີ ອິດສະຣາແອນ Benjamin Netanyahu, ໃນນັ້ນຮຽກຮ້ອງໃຫ້ອຳນາດການປົກຄອງ Tel Aviv ຢຸດຕິການເຄື່ອນໄຫວຕັ້ງຖີ່ນຖານຄົງທີ່ ເພື່ອເຊື່ອມຕໍ່ການເຈລະຈາສັນຕິພາບ. ພ້ອມກັນນັ້ນ, ເຈົ້າໜ້າທີ່ຂອງ ປາແລດຕີນ ກໍຮຽກຮ້ອງໃຫ້ ອິດສະຮາແອນ ຢຸດຕິບັນດາການກະທຳພຽງຝ່າຍດຽວໂດຍທັນທີ, ໂດຍສະເພາະແມ່ນບັນດາການກະທຳທີ່ກ່ຽວຂ້ອງເຖິງບັນດາຫາຕັ້ງຖີ່ນຖານຄົງທີ່. ປະຕິກິລິຍາດັ່ງກ່າວຂອງອຳນາດການປົກຄອງ ປາແລດຕີນ ໄດ້ຖືກຍົກອອກມາພາຍຫຼັງ ອິດສະຣາແອນໄດ້ປະກາດຫັນເຂດຕັ້ງຖີ່ນຖານຄົງທີ່ ໃນເຂດຝັ່ງຕາເວັນຕົກແມ່ນ້ຳຈໍແດນກາຍເປັນເຂດຖືກຕ້ອງຕາມກົດໝາຍ ລວມທັງ Bruchin, Rchelim ແລະ Sansana. ຄຳຖະແຫຼງຂອງຫ້ອງວ່າການສຳນັກງານນາຍົກລັດຖະມົນຕີອິດສະຣາແອນ Benjamin Netanyahu ໃຫ້ຮູ້ວ່າ: ອິດສະຮາແອນ ໄດ້ຕົກລົງຫັນລະບຽບການ ຂອງທັງ 3 ເຂດນີ້ໃຫ້ເປັນລະບຽບທາງການ, ຊຶ່ງໄດ້ຮັບການສ້າງຕັ້ງຂຶ້ນກ່ອນນີ້ ໃນຊຸມປີ 1990 ຂອງສະຕະວັດກ່ອນ, ຕາມຂໍ້ຕົກລົງຂອງຄະນະລັດຖະບານຊຸດກ່ອນ. ນັບແຕ່ເມື່ອໄດ້ຮັບການສ້າງຕັ້ງມາຮອດປະຈຸບັນ, ອິສະຣາແອນຍັງບໍທັນອອກລະບຽບການຢ່າງຖືກຕ້ອງຕາມກົດໝາຍໃຫ້ແກ່ທັງ 3 ເຂດນີ້ເທື່ອ.
