(vovworld) - ວັນທີ 13/3 ພິທີປະກາດ ແລະ ມອບຂໍ້ຕົກລົງທູດທ່ອງທ່ຽວຫວຽດນາມໃຫ້ ຜູ້ກຳກັບການສະແດງ Jordan Vort – Roberts ໃນອາຍຸການ 2017-2020 ໄດ້ຈັດຂຶ້ນທີ່ກະຊວງວັດທະນະທຳ, ກິລາ ແລະ ທ່ອງທ່ຽວຫວຽດນາມ.
ກ່ອນຫນ້ານັ້ນ, ວັນທີ 9/3, ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ສ້າງຕັ້ງສະພາແຕ່ງຕັ້ງ, ພົ້ນຕຳແຫນ່ງທູດທ່ອງທ່ຽວຫວຽດນາມ ອາຍຸການ 2017-2020. ສະພາລວມມີ 13 ຄົນ ໄດ້ປ່ອນບັດ ແລະ ໝາກຜົນແມ່ນ 100% ຈຳນວນບັດ ໄດ້ເຫັນດີແຕ່ງຕັ້ງທ່ານ Jordan Vort – Roberts ຜູ້ກຳກັບການສະແດງຟິມຮູບເງົາ “Kong: Skull Island” ເປັນທູດທ່ອງທ່ຽວຫວຽດນາມ ໃນອາຍຸການ 2017-2020. ຕອນບ່າຍວັນທີ 10/3, ທ່ານຫງວຽນງອກທ້ຽນ ລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ໄດ້ເຊັນຂໍ້ຕົກລົງເລກທີ 858 ແຕ່ງຕັ້ງທູດທ່ອງທ່ຽວຫວຽດນາມ ສຳລັບຜູ້ກຳກັບການສະແດງ Jordan Vogt – Roberts.
 |
| 1. ຕາມຂໍ້ຕົກລົງແລ້ວ, ທ່ານ Jordan Vort – Roberts ຈະເຂົ້າຮ່ວມບັນດາການເຄື່ອນໄຫວໂຄສະນາ, ສົ່ງເສີມການທ່ອງທ່ຽວຫວຽດນາມ ຜ່ານບັນດາການເຄື່ອນໄຫວສື່ສານ, ສື່ມວນຊົນ, ສິລະປະ… ມຸ່ງໄປເຖິງສາທາລະນະຊົນ |
 |
| 2. ທ່ານ ຫງວຽນງອກທ້ຽນ ລັດຖະມົນຕີ ກະຊວງວັດທະນະທຳ, ກິລາ ແລະ ທ່ອງທ່ຽວ ມອບນາມມະຍົດໃຫ້ຜູ້ກຳກັບການສະແດງ Jordan Vort – Roberts |
 |
| 3. ໃນບົດກ່າວປາໄສພາຍຫລັງຮັບຂໍ້ຕົກລົງຈາກທ່ານລັດຖະມົນຕີ ຫງວຽນງອກທ້ຽນ, ທ່ານ Jordan Vort – Roberts ໄດ້ຢ້ຳຄືນວິວັດການທີ່ທ່ານໄດ້ມາຫວຽດນາມ ເພ່ືອຊອກຮູ້ທັດສະນີສະພາບຖ່າຍທຳຮູບເງົາ“Kong: Skull Island” |
 |
4. ທ່ານ Jordan Vort – Roberts ໃຫ້ຮູ້ວ່າ: ທ່ານມີຄວາມເປັນກຽດໄດ້ຮັບບົດບາດນີ້ ແລະ ເຫັນວ່າຫນ້າທີ່ຂອງຕົນແມ່ນແນະນຳຄວາມສວຍສົດງົດງາມຂອງທັດສະນີຍະພາບຢູ່ຫວຽດນາມມາ
ສູ່ເພື່ອນມິດສາກົນໃຫ້ຫລາຍກວ່າອີກ |
 |
| ເຂົ້າຮ່ວມພິທີມີທ່ານ Ted Osius ເອກອັກຄະລັດຖະທູດ ອາເມລິກາ ປະຈຳຫວຽດນາມ |
 |
| 6. ທ່ານ Ted Osius ຕີລາຄາວ່າ: ຮູບເງົາເລື່ອງນີ້ແມ່ນການສຸມສິ່ງຍອດຢ້ຽມຂອງຮູງເງົາ ອາເມລິກາ ແລະ ທັດສະນີຍະພາບສວຍງາມຢູ່ຫວຽດນາມ. ທ່ານ Jordan Vort – Roberts ຈະສຳເລັດຫນ້າທີ່ໂຄສະນາການທ່ອງທ່ຽວຫວຽດນາມເປັນຢ່າງດີ. |
 |
| 7. ທ່ານ Jordan Vort – Roberts ແມ່ນຜູ້ກຳກັບການສະແດງ, ແມ່ນນັກຜະລິດຮູບເງົາ ຊາວອາເມລິກາ ຊືື່ງຜູ້ຊົມຮູ້ຈັກເຖິງທ່ານຜ່ານບັນດາຮູບເງົາຄື: Single Dads (2009), The Kings of Summer (2013), Kong: Skull Islands (2017). ທ່ານທັງແມ່ນ ຜູ້ກຳກັບຫລາຍລາຍການໂທລະພາບອີກດ້ວຍ. |
