(vovworld) - ວັນທີ 1/5, ປະຊາຊົນ ລີບີ ໄດ້ເລີ່ມຕົ້ນການຈົດທະບຽນເຂົ້າຮ່ວມການປ່ອນບັດເລືອກຕັ້ງສະພາແຫ່ງຊາດໃນເດືອນຈະມາເຖິງ ດ້ວຍຄວາມຫວັງວ່າ: ປະເທດນີ້ຈະມີລັດຖະທຳມະນູນສະບັບໃໝ່ນັບແຕ່ເມື່ອອຳນາດການປົກຄອງຂອງປະທານາທິບໍດີ Kadafi ຖືກລົ້ມລະລາຍ. ສະຖານທີ່ຈົດທະບຽນປະມານ 1500 ແຫ່ງ ໄດ້ຮັບການສ້າງຂຶ້ນໃນທົ່ວປະເທດ. ໃນສະພາແຫ່ງຊາດໃໝ່, 80 ໃນຈຳນວນ 200 ທີ່ນັ່ງແມ່ນສະຫງວນໃຫ້ແກ່ບັນດາພັກການເມືອງ, ສ່ວນທີ່ຍັງເໜືອແມ່ນສະຫງວນໃຫ້ແກ່ຜູ້ອອກສະໝັກຮັບເລືອກຕັ້ງເອກະລາດ. ແຕ່ເຖິງຢ່າງໃດກໍຕາມ, ສະພາບຄວາມສະຫງົບປອດໄພພາຍໃນປະເທດຍັງຂາດສະຖຽນລະພາບ ແລະ ລັດຖະບານຊົ່ວຄາວຍັງບໍ່ທັນເສີມຂະຫຍາຍກຳລັງແຮງ ເພື່ອແນໃສ່ປາບປາມກຸ່ມປະກອບອາວຸດຕ່າງໆ ພາຍໃນປະເທດໄດ້.
