ຜູ້​ອຳ​ນວຍ​ການ​ໃຫຍ່ VOV ໂດ​ຕຽນ​ຊີ ໄດ້​ຮັ​ບ​ການ​ເລືອກ​ຕັ້ງເຂົ້າ​ໃນຄະ​ນະ​ບໍ​ລິ​ຫານ​ງານ​ສູນ​ກາງ​ພັກ ສະ​ໄໝ​ທີ XIV

ທ່ານ ໂດຕຽນຊີ ຜູ້ອຳນວຍການໃຫຍ່ VOV ໄດ້ຮັບການເລືອກຕັ້ງເຂົ້າໃນຄະນະບໍລິຫານງານສູນກາງພັກ ສະໄໝທີ XIV (ພາບ: VOV)

ທ່ານໂດຕຽນຊີ, ຜູ້ອຳນວຍການໃຫຍ່ວິທະຍຸກະຈາຍສຽງ ຫວຽດນາມ ແມ່ນໜຶ່ງໃນຈຳນວນກຳມະການສົມບູນຄະນະບໍລິຫານງານສູນກາງພັກສະໄໝທີ XIV 180 ທ່ານ.

ທ່ານໂດຕຽນຊີ ເກີດວັນທີ 2 ພະຈິກ 1965, ບ້ານເກີດ ແຂວງຮຶງອຽນ. ທ່ານມີລະດັບການສຶກສາປະລິນຍາໂທ ຂະແໜງບໍລິຫານທຸລະກິດ, ປະລິນຍາຕີຂະແໜງຄູຄະນິດສາດ, ປະລິນຍາຕີທິດສະດີການເມືອງ.

ທ່ານໂດຕຽນຊີ ແມ່ນກຳມະການສູນກາງພັກສະໄໝທີ XII, XIII, XIV; ສະມາຊິກສະພາແຫ່ງຊາດຊຸດທີ XIV, XV.

ທ່ານໂດຕຽນຊີ ແມ່ນກຳມະການສູນກາງພັກສະໄໝທີ XII, XIII, XIV; ສະມາຊິກສະພາແຫ່ງຊາດຊຸດທີ XIV, XV (ພາບ: VOV)

ໃນໄລຍະປະຕິບັດງານຢູ່ແຂວງ ຮຶງອຽນ, ທ່ານໂດຕຽນຊີ ເຄີຍດຳລົງຫຼາຍຕຳແໜ່ງຄື: ເລຂາອົງຄະນະພັກເມືອງ ວັນເລິມ, ຮອງຫົວໜ້າຄະນະຈັດຕັ້ງຄະນະພັກແຂວງ, ຫົວໜ້າຄະນະຂົນຂວາຍປະຊາຊົນແຂວງ ທັງເປັນປະທານສະມາຄົມວັນຄະນະດີສິລະປະແຂວງ, ຮອງເລຂາຄະນະພັກແຂວງ, ຮອງເລຂາຜູ້ປະຈຳການຄະນະພັກແຂວງ, ເລຂາຄະນະພັກແຂວງ ຮຶງອຽນ.

ເດືອນມິຖຸນາ 2021, ນາຍົກລັດຖະມົນຕີ ໄດ້ມີຂໍ້ຕົກລົງແຕ່ງຕັງທ່ານ ໂດຕຽນຊີ ດຳລົງຕຳແໜ່ງຜູ້ອຳນວຍການໃຫຍ່ VOV.