( vovworld ) – ທ່ານນາງ Mai Kieu Lien, ປະທານສະພາບໍລິຫານ ທັງເປັນຜູ້ອຳນວຍການໃຫຍ່ຝ່າຍບໍລິຫານບໍລິສັດຫຸ້ນສ່ວນນ້ຳນົມຫວຽດນາມ ( Vinamilk ), ຫາກໍໄດ້ຖືກຈັດເຂົ້າບັນຊີລາຍຊື່ບັນດາຜູ້ອຳນວຍການວິສາຫະກິດດີທີ່ສຸດອາຊີ ໂດຍວາລະສານບໍລິຫານວິສາຫະກິດອາຊີ ( Corporate Governance Asia Journal - ມີສຳນັກງານຕັ້ງຢູ່ຮ່ົງກົງ ) ຄັດເລືອກ. ທ່ານນາງ Mai Kieu Lien ເປັນຜູ້ຕາງໜ້າຫວຽດນາມ ພຽງຜູ້ດຽວເຊິ່ງໄດ້ຖືກຈັດເຂົ້າບັນຊີລາຍຊື່ດັ່ງກາວ. ພ້ອມກັບຜູ້ຕາງໜ້າຫວຽດນາມ, ບັນດາການນຳວິສາຫະກິດນອນໃນບັນຊີລາຍຊື່ໄດ້ຮັບການເຊີດຊູຄັ້ງນີ້ແມ່ນມາຈາກ ຈີນ, ຟີລິບປີນ, ໄຕວັນ, ອີນໂດເນຊີອາ, ອີນເດຍ, ສ.ເກົາຫຼີ… ເຊິ່ງໄດ້ຮັບການຕີລາຄາວ່າ ໄດ້ນຳວິສາຫະກິດຂອງຕົນຜ່ານຜ່າຄວາມຫຍຸ້ງຍາກໃນວິກິດການເສດຖະກິດທົ່ວໂລກເຊິ່ງພວມປະເຊີນໜ້າກັບສິ່ງທ້າທາຍຫຼາຍຢ່າງ ແລະ ນຳວິສາຫະກິດພັດທະນາຢ່າງແຮງ. ພິທີມອບລາງວັນຈະໄດ້ຈັດຂຶ້ນໃນວັນທີ 20/6 ທີ່ຈະມາເຖິງຢູ່ຮ່ົງກົງ, ປະເທດຈີນ.
