 ທ່ານນາງ Tong Thi Phong ຕ້ອນຮັບຄະນະຜູ້ແທນ
ຜູ້ທີ່ມີອິດທິພົນຊື່ສຽງໃນວົງຄະນາຍາດຊົນເຜົ່າສ່ວນຫນ້ອຍ ພາບ: langvietonline.com |
(vovworld) - ຕອນບ່າຍວັນທີ 30/5 ຢູ່ ຮ່າໂນ້ຍ, ທ່ານນາງຮອງປະທານສະພາແຫ່ງຊາດ ຫວຽດນາມ Tong Thi Phong ໄດ້ໃຫ້ການຕ້ອນຮັບຄະນະຜູ້ແທນຜູ້ທີ່ມີອິດທິພົນຊື່ສຽງໃນວົງຄະນາຍາດຊົນເຜົ່າສ່ວນຫນ້ອຍ ເມືອງ ເຕີນເຊີນ ແຂວງ ຟູທໍ້ ເນ່ືອງໃນໂອກາດຄະນະມາຢ້ຽມຢາມ ນະຄອນຫລວງ ຮ່າໂນ້ຍ. ທ່ານນາງຮອງປະທານສະພາແຫ່ງຊາດ ຫວຽດນາມ Tong Thi Phong ສະເຫນີວ່າ: ໃນໄລຍະຈະມາເຖິງ ການນຳເມືອງ ເຕີນເຊີນ ຄວນສືບຕໍ່ເບິ່ງແຍງດູແລເຖິງຊີວິດການເປັນຢູ່ຂອງຜູ້ທີ່ມີຄຸນງາມຄວາມດີ, ເຈົ້າກົກເຈົ້າເຫລົ່າ, ຜູ້ມີອິດທິພົນຊື່ສຽງໃນວົງຄະນາຍາດຊົນເຜົ່າສ່ວນຫນ້ອຍຂອງເມືອງ ເຕີນເຊີນ. ທ່ານນາງຮອງປະທານສະພາແຫ່ງຊາດ ປາດຖະຫນາວ່າ: ບັນດາເຈົ້າກົກເຈົ້າເຫລົ່າ, ຜູ້ມີອິດທິພົນຊື່ສຽງໃນວົງຄະນາຍາດຊົນເຜົ່າສ່ວນຫນ້ອຍເມືອງ ເຕີນເຊີນ ຈົ່ງສືບຕໍ່ເສີມຂະຫຍາຍຄວາມຮັບຜິດຊອບຂອງຕົນໃນການຕັ້ງຖິ່ນຖານຄົງທີ່, ຂົນຂວາຍວົງຄະນາຍາດຊົນເຜົ່າບໍ່ຄວນຟັງຄວາມຂອງກຸ່ມຄົນບໍ່ດີທີ່ເຜີຍແຜ່ສາສະຫນາຢ່າງຜິດກົດໝາຍ, ຮັກສາຄວາມເປັນລະບຽບຮຽບຮ້ອຍທາງສັງຄົມ, ສ້າງສາບ້ານເກີດເມືອງນອນໃຫ້ນັບມື້ນັບສວຍງາມ ຮ່ັງມີກວ່າເກົ່າ.
