ລົງທຶນຈຳນວນເງິນ 800 ລ້ານ USD ເພື່ອພັດທະນາພະລັງງານໄຟຟ້າແຮງລົມຢູ່ແຂວງ Ninh Thuan
(ພາບ:vinabooking.vn)
( vovworld ) – ຄະນະກຳມະການປະຊາຊົນແຂວງ Ninh Thuan ສົມທົບກັບກຸ່ມບໍລະສັດໄຟຟ້າແຮງລົມTimar ໄດ້ຈັດກອງປະຊຸມສຳມະນາ “ແນະນຳ ແລະ ຜັນຂະຫຍາຍເຕັກໂນໂລຊີຜະລິດໄຟຟ້າແຮງລົມດ້ວຍເຕັກໂນໂລຊີໃໝ່ຂອງ Timar ຢູ່ Ninh Thuan ເມື່ອວັນທີ 14/5. ນະທີ່ນີ້, ສອງຝ່າຍໄດ້ລົງນາມໃນບົດບັນທຶກຊ່ວຍຈຳການຮ່ວມມືລົງທຶນ. ຕາມນັ້ນແລ້ວ, ກຸ່ມບໍລະສັດໄຟຟ້າແຮງລົມ Timar ຈະລົງທຶນພັດທະນາຂະແໜງພະລັງງານໄຟຟ້າແຮງລົມດ້ວຍເຕັກໂນໂລຊີໃໝ່ຢູ່ແຂວງ Ninh Thuan ດ້ວຍຍອດຈຳນວນທຶນປະທານ 800 ລ້ານ USD ຊື່ງຄາດວ່າຈະເລີ່ມລົງມືກໍ່ສ້າງໃນປີ 2012. ປະຈຸບັນ, ກຸ່ມບໍລະສັດໄຟຟ້າແຮງລົມ Timar ພວມຖືກຳມະສິດເຕັກໂນໂລຊີໄຟຟ້າແຮງລົມໃໝ່ທີ່ມີຈຸດດີເດັ່ນຫຼາຍຢ່າງ ເມື່ອທຽບກັບເຕັກໂນໂລຊີເດີມ, ນັ້ນແມ່ນເຕັກໂນໂລຊີໄຟຟ້າແຮງລົມປະເພດນຳໃຊ້ tuabin Maglev ທີ່ມີສະມັດຕະພາບຜະລິດໄຟຟ້າຫຼາຍກ່ວາ tuabin ແບບເກົ່າ 20%, ປະຢັດຄ່າໃຊ້ຈາຍໃນການໃຊ້ງານໄດ້ 50% ຄ່າໝູນໃຊ້, ແລະ ອຸປະກອນນີ້ສາມາດໃຊ້ງານໄດ້ໃນເວລາ 500 ປີ.
