 ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ແລະ ທ່ານນາຍົກລັດຖະມົນຕີ ລາຊະອານາຈັກ ກໍາປູເຈຍ Samdech Techo Hun Sen (ພາບ:VGP) |
ນີ້ແມ່ນການຢ້ຽມຢາມຫວຽດນາມຢ່າງເປັນທາງການຄັ້ງທີ 2 ຂອງທ່ານນາຍົກລັດຖະມົນຕີ Hun Sen ໃນຮອບເວລາ 01 ປີ, ພາຍຫຼັງ ກໍາປູເຈຍ ສ້າງຕັ້ງລັດຖະບານຊຸດທີ 6 ເມື່ອເດືອນກັນຍາ 2018.
ການຢ້ຽມຢາມ ຫວຽດນາມ ຢ່າງເປັນທາງການຂອງທ່ານນາຍົກລັດຖະມົນຕີ Samdech Techo Hun Sen ຄັ້ງນີ້ ຖືກດໍາເນີນໄປໃນສະພາບ ທີ່ການພົວພັນລະຫວ່່າງ ຫວຽດນາມ - ກໍາປູເຈຍ ສືບຕໍ່ມີບັນດາບາດກ້າວພັດທະນາຢ່າງດີງາມນັ້ນ ໄດ້ຢ້ັງຢືນໃຫ້ເຫັນນະໂຍບາຍການຕ່າງປະເທດ ເອກະລາດ, ເປັນເຈົ້າຕົນເອງ, ຫັນບັນດາການພົວພັນເປັນຫຼາຍຮູບຫຼາຍແບບ ແລະ ຫຼາຍຝ່າຍ, ໃນນັ້ນສະຫງວນບຸລິມະສິດສູງໃນການຮັກສາ, ເພີ່ມພູນຄູນສ້າງ ແລະ ພັດທະນາການພົວພັນຖານບ້ານໃກ້ເຮືອນຄຽງອັນດີງາມ, ໄມຕີຈິດມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ໝັ້ນຄົງຍາວນານ ກັບ ກໍາປູເຈຍ. ການຢ້ຽມຢາມ ກໍເພື່ອແນໃສ່ເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນ, ການຮ່ວມມືຢູ່ເຂດຊາຍແດນ, ການ ຄົມມະນາຄົມຂົນສົ່ງ ລະຫວ່າງສອງຝ່າຍ.
