(VOVWORLD) - ໃນໄລຍະເວລາສອງວັນ ແຕ່ວັນທີ 22 – 23 ຕຸລາ, ຜູ້ແທນ 65 ທ່ານ ເຊິ່ງເປັນຊາວໜຸ່ມ, ນັກສຶກສາຜູ້ດີເດັ່ນຂອງ 3 ປະເທດ ຫວຽດນາມ - ລາວ - ກຳປູເຈຍ ໄດ້ພ້ອມກັນແບ່ງປັນປະສົບການຕົວຈິງ, ແລກປ່ຽນ, ປຶກສາຫາລືກ່ຽວກັບ 3 ຫົວຂໍ້: ໄວໜຸ່ມ ຫວຽດນາມ - ລາວ - ກຳປູເຈຍ ຮ່ວມແຮງຮ່ວມໃຈເພີ່ມພູນຄູນສ້າງສາຍພົວພັນໄມຕີຈິດມິດຕະພາບ, ຄວາມສາມັກຄີ; ຊາວໜຸ່ມ ຫວຽດນາມ - ລາວ - ກຳປູເຈຍ ປະຈັນບານ, ອາສາສະໝັກເຂົ້າຮ່ວມວຽກງານປ້ອງກັນ, ຕ້ານໂລກລະບາດ ໂຄວິດ - 19, ເພື່ອການຊ່ວຍໜູນສັງຄົມ; ຍົກສູງກຳລັງຄວາມສາມາດນຳໃຊ້ເຕັກໂນໂລຢີດີຈີຕອນໃຫ້ແກ່ຊາວໜຸ່ມ ຫວຽດນາມ - ລາວ - ກຳປູເຈຍ.
 ພິທີປິດຖືກຈັດຂຶ້ນແບບທາງໄກ |
|
ຕອນເຊົ້າວັນທີ 24 ຕຸລາ, ພິທີປິດງານພົບປະແລກປ່ຽນຊາວໜຸ່ມມິດຕະພາບ ຫວຽດນາມ - ລາວ - ກຳປູເຈຍ ຖືກຈັດຂຶ້ນຕາມຮູບການທາງໄກ. ເຂົ້າຮ່ວມພິທີປິດຢູ່ສະຖານທີ່ເຊື່ອມຕໍ່ ຮ່າໂນ້ຍ ມີ ທ່ານນາງ ຈິ້ງທິມາຍເຟືອງ, ຮອງປະທານສະຫະພັນຊາວໜຸ່ມ ຫວຽດນາມ, ທ່ານ ວັນນະໄຊ ເທບທິລາດ ເລຂາເອກ, ຫົວໜ້າຫ້ອງການພັກ, ສະຖານທູດ ລາວ ປະຈຳ ຫວຽດນາມ, ທ່ານ Mor Socheath, ເລຂາທີສອງ, ສະຖານທູດ ກໍາປູເຈຍ ປະຈຳ ຫວຽດນາມ.
 ທ່ານ ວັນນະໄຊ ເທບທິລາດ ເລຂາເອກ, ຫົວໜ້າຫ້ອງການພັກ, ສະຖານທູດ ລາວ ປະຈຳ ຫວຽດນາມ |
ໃນໄລຍະເວລາສອງວັນ ແຕ່ວັນທີ 22 – 23 ຕຸລາ, ຜູ້ແທນ 65 ທ່ານ ເຊິ່ງເປັນຊາວໜຸ່ມ, ນັກສຶກສາຜູ້ດີເດັ່ນຂອງ 3 ປະເທດ ຫວຽດນາມ - ລາວ - ກຳປູເຈຍ ໄດ້ພ້ອມກັນແບ່ງປັນປະສົບການຕົວຈິງ, ແລກປ່ຽນ, ປຶກສາຫາລືກ່ຽວກັບ 3 ຫົວຂໍ້: ໄວໜຸ່ມ ຫວຽດນາມ - ລາວ - ກຳປູເຈຍ ຮ່ວມແຮງຮ່ວມໃຈເພີ່ມພູນຄູນສ້າງສາຍພົວພັນໄມຕີຈິດມິດຕະພາບ, ຄວາມສາມັກຄີ; ຊາວໜຸ່ມ ຫວຽດນາມ - ລາວ - ກຳປູເຈຍ ປະຈັນບານ, ອາສາສະໝັກເຂົ້າຮ່ວມວຽກງານປ້ອງກັນ, ຕ້ານໂລກລະບາດ ໂຄວິດ - 19, ເພື່ອການຊ່ວຍໜູນສັງຄົມ; ຍົກສູງກຳລັງຄວາມສາມາດນຳໃຊ້ເຕັກໂນໂລຢີດີຈີຕອນໃຫ້ແກ່ຊາວໜຸ່ມ ຫວຽດນາມ - ລາວ - ກຳປູເຈຍ. ຢູ່ທີ່ນີ້, ຊາວໜຸ່ມ ສາມປະເທດໄດ້ຍົກອອກຫຼາຍມາດຕະການ, ແນວຄວາມຄິດປະດິດຄິດສ້າງເພື່ອແນໃສ່ເພີ່ມທະວີການເຄື່ອນໄຫວເຊື່ອມຕໍ່, ພົບປະແລກປ່ຽນ, ຍົກສູງສະຕິຄວາມຮັບຮູ້ຂອງຊາວໜຸ່ມກ່ຽວກັບເຕັກໂນໂລຢີຂໍ້ມູນຂ່າວສານ ແລະ ການຫັນເປັນດີຈີຕອນ ແລະ ຍູ້ແຮງການໝູນໃຊ້ເຕັກໂນໂລຢີເຂົ້າໃນການພັດທະນາກະສິກຳ. ນອກຈາກນັ້ນ, ບັນດາຜູ້ແທນຍັງໄດ້ຢ້ຽມຊົມ 3 ຮູບແບບຊາວໜຸ່ມ startup ປະດິດຄິດສ້າງຂອງ ຫວຽດນາມ ຜ່ານທາງອອນລາຍອີກດ້ວຍ.
 ທ່ານນາງ ຈິ້ງທິມາຍເຟືອງ, ຮອງປະທານ ສະຫະພັນຊາວໜຸ່ມ ຫວຽດນາມກ່າວຄຳເຫັນປິດລາຍການ |
ກ່າວຄຳເຫັນປິດລາຍການ, ທ່ານນາງ ຈິ້ງທິມາຍເຟືອງ, ຮອງປະທານ ສະຫະພັນຊາວໜຸ່ມ ຫວຽດນາມ ຕີລາຄາສູງຕໍ່ຂໍ້ສະເໜີ, ແນວຄວາມຄິດທີ່ໃໝ່ອ່ຽມ, ວິທີເຮັດປະດິດຄິດສ້າງ, ມີປະສິດທິຜົນຂອງຊາວໜຸ່ມສາມປະເທດ ແລະ ຖືວ່າ ສາມາດນຳໄປຜັນຂະຫຍາຍໃນຕົວຈິງໂດຍອີງໃສ່ເງື່ອນໄຂຂອງແຕ່ລະປະເທດ. ທ່ານນາງຖືວ່າ, ຄຳຄິດເຫັນເຫຼົ່ານັ້ນເປັນການເຈາະຈີ້ມທີ່ມີຄວາມໝາຍເພື່ອໃຫ້ສູນກາງຊາວໜຸ່ມສາມປະເທດພິຈາລະນາ, ເພີ່ມເຕີມເຂົ້າໃນລາຍການຮ່ວມມືຂອງຊາວໜຸ່ມສາມປະເທດໃນໄລຍະຈະມາເຖິງ, ປະກອບສ່ວນເພີ່ມພູນຄູນສ້າງສາຍພົວພັນໄມຕີຈິດມິດຕະພາບລະຫວ່າງສາມປະເທດ./.
