 ບັນດາວິສາຫະກິດໄດ້ລົງນາມໃນຂໍ້ຕົກລົງ 13 ສະບັບ (ພາບ: TTXVN) |
ໂດຍໄດ້ດຳເນີນແຕ່ວັນທີ 30 ພະຈິກເຖິງ 2 ທັນວາ, ຜ່ານການເຄື່ອນໄຫວຕ່າງໆຄືກອງປະຊຸມສຳມະນາແບ່ງປັນບົດຮຽນກ່ຽວກັບການພັດທະນາດ້ານກະສິກຳ, ຊາວກະສິກອນ, ຊົນນະບົດສາມປະເທດແລະລາຍການພົບປະແລກປ່ຽນວັດທະນະທຳສິລະປະ, ຢ້ຽມຊົມບັນດາຮູບແບບກະສິກຳເຕັກໂນໂລຊີສູງ, ບັນດາຜູ້ແທນໄດ້ແລກປ່ຽນ, ແບ່ງປັນ, ສຶກສາບົດຮຽນກ່ຽວກັບການພັດທະນາດ້ານກະສິກຳ, ຊາວກະສິກອນ, ຊົນນະບົດ; ຊອກຮູ້ບັນດາກາລະໂອກາດຮ່ວມມືໃນການຜະລິດ, ເຊື່ອມຕໍ່ ແລະການຈຳໜ່າຍຜະລິດຕະພັນກະເສດ. ພ້ອມດຽວກັນນັ້ນ, ກໍ່ໂຄສະນາເຜີຍແຜ່ບັນດາຜະລິດຕະພັນກະສິກຳທີ່ມີຄວາມປອດໄພບັນລຸໄດ້ມາດຕະຖານໃນການຮັບໃຊ້ການຜະລິດ, ການຈຳໜ່າຍຢູ່ພາຍໃນ, ໜູນຊ່ວຍບັນດາວິສາຫະກິດສຳຜັດກັບຕະຫຼາດພາຍໃນແລະຕ່າງປະເທດ, ຈາກນັ້ນ, ເພີ່ມທະວີສາຍພົວພັນແຫ່ງຄວາມສາມັກຄີພິເສດ, ມິດຕະພາບ, ການຮ່ວມມືຮອບດ້ານລະຫວ່າງຊາວກະສິກອນສາມປະເທດ.
ໃນຂອບເຂດລາຍການ, ໄດ້ດຳເນີນງານຕະຫຼາດນັດຜະລິດຕະພັນກະເສດປອດສານຜິດເຊິ່ງໄດ້ດຶງດູດກ່ວາ 260 ຮ້ານ ດ້ວຍການເຂົ້າຮ່ວມຂອງບັນດາວິສາຫະກິດ 223 ແຫ່ງຂອງສາມປະເທດ. ບັນດາວິສາຫະກິດໄດ້ລົງນາມໃນຂໍ້ຕົກລົງ 13 ສະບັບ ວ່າດ້ວຍການຮ່ວມມືທີ່ກ່ຽວຂ້ອງໃນການເຂົ້າຮ່ວມລະບົບຄວາມປອດໄພຫຼັກອະນາໄມດ້ານສະບຽງອາຫານ ແລະ ສຳຜັດກັບຕະຫຼາດການຈຳໜ່າຍຜະລິດຕະພັນ./.
