( vovworld ) - ຕອນບ່າຍວັນທີ 12/6, ຢູ່ສຳນັກງານກະຊວງປ້ອງກັນປະເທດທີ່ຮ່າໂນ້ຍ, ທ່ານພົນໂທ Nguyen Chi Vinh, ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບທ່ານພົນຕີ ສຸເພັດ ໄພວິສິດ, ຫົວໜ້າກົມໃຫຍ່ພະລາທິການ - ເຕັກນິກກອງທັບປະຊາຊົນລາວເຂົ້າຢ້າງຂໍ່ານັບ, ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ຫວຽດນາມ. ນະທີ່ນີ້, ທ່ານພົນໂທ Nguyen Chi Vinh ໄດ້ເນັ້ນໜັກເຖິງການຢ້ຽມຢາມຂອງທ່ານພົນຕີ ສຸເພັດ ໄພວິສິດໄດ້ປະກອບສ່ວນສຳຄັນເຂົ້າໃນການສ້າງການພົວພັນພິເສດລະຫວ່າງກອງທັບ ແລະ ປະຊາຊົນສອງປະເທດຫວຽດນາມ - ລາວ ໃຫ້ພັດທະນາຂຶ້ນສູ່ລະດັບສູງໃໝ່. ທ່ານພົນໂທ Nguyen Chi Vinh ໃຫ້ຮູ້ວ່າ, ບັນດາຫົວໜ່ວຍ, ພະນັກງານ, ນັກຮົບກອງທັບປະຊາຊົນຫວຽດນາມ ພວມມີບັນດາການເຄື່ອນໄຫວຢ່າງແທດຈິງ ເພື່ອສະເຫຼີມສະຫຼອງປີແຫ່ງຄວາມສາມັກຄີແບບພິເສດຫວຽດນາມ - ລາວ 2012, ສະເຫຼີມສະຫຼອງ 50 ປີ ແຫ່ງວັນສ້າງຕັ້ງສາຍພົວພັນດ້ານການທູດ, 35 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຢ່າງຮອບດ້ານລະຫວ່າງຫວຽດນາມ - ລາວ. ສ່ວນທ່ານພົນຕີ ສຸເພັດ ໄພວິສິດ ໄດ້ຢືນຢັນວ່າ, ຍາມໃດ ພັກ, ລັດ, ກອງທັບ ແລະ ປະຊາຊົນລາວບັນດາເຜົ່າ ກໍຈົດຈຳການປະກອບເຮື່ອແຮງ, ການຊ່ວຍເຫຼືອຢ່າງຈິງໃຈ ແລະ ມີປະສິດທິຜົນຂອງພັກ, ລັດ, ກອງທັບ ແລະ ປະຊາຊົນຫວຽດນາມ ທີ່ສະຫງວນໃຫ້ແກ່ປະເທດລາວ ໃນການຕໍ່ສູ້ປົດປ່ອຍປະເທດຊາດໃນເມື່ອກ່ອນ ກໍຄືໄລຍະສ້າງສາປະເທດຊາດໃນປະຈຸບັນ.
