ພິມີມອບໃບຍ້ອງຍໍໃຫ້ແກ່ນັກຮຽນ ໄດ້ຮັບໄຊຊະນະໃນການເສັງ ວິທະຍາສາດ ແລະ ເຕັກນິກສາກົນ

( vovworld ) – ​ພິທີ​ມອບ​ໃບ​ຍ້ອງຍໍ​ຂອງ​​ລັດຖະມົນຕີ​ກະຊວງ​ສຶກສາ ​ແລະ ບຳລຸງ​ສ້າງ​ຫວຽດນາມ ​ໃຫ້​ແກ່​ນັກຮຽນ 3 ຄົນ​ຍາດ​ໄດ້​ໄຊຊະນະ​ໃນ​ການ​ເສັງ​ວິທະຍາສາດ ​ແລະ ​ເຕັກນິກ​ສາກົນ (ISEF 2012) ​ໄດ້​ດຳ​ເນີນ​ໄປ​ໃນ​ຕອນ​ຄ່ຳ​ຂອງ​ວັນ​ທີ 20/5 ​ໃນ​ພິທີ​ຕ້ອນຮັບບັນດາ​ນັກຮຽນ​ທີ່​ສະໜາມ​ບິນ​ Noi Bai-Ha Noi. ຄະນະ​ນັກຮຽນ​ຫວຽດນາມ ລວມມີ Tran Bach Trung, Bui Thi Quynh Trang, Vu Anh Vinh  ນັກຮຽນ​ສັງກັດໂຮງ​ຮຽນ​ມັດ​ຖະຍົມ​ຕອນ​ປາຍ​ລົງ​ເລິກ​ວິຊາ Ha Noi-Amstredam ​ໄດ້​ເຂົ້າຮ່ວມ​ການ​ເສັງ​ພ້ອມ​ກັບ​ນັກຮຽນ​ຂັ້ນ​ມັດທະຍົມ​ຕອນ​ປາຍ 1500 ຄົນຂອງ 70 ປະ​ເທດ ​ແລະ ສາມາດຍາດ​ໄດ້​ລາງວັນ​ທີ 1 ​ໃນ​ການ​ເສັງ​ຈັດ​ຂຶ້ນ​ຢູ່​ປະ​ເທດ ອາ​ເມ​ລິ​ກາ ​ເມື່ອ​ວັນ​ທີ 18/5 ດ້ວຍ​ຫົວ​ເລື່ອງ “ກຳຈັດ​ນ້ຳ​ເຄັມກາຍ​ເປັນ​ນ້ຳຈືດ“. ກະຊວງ​ສຶກສາ ​ແລະ ບຳລຸງ​ສ້າງ​ຫວຽດນາມ ​ໄດ້​ມອບ​ເງິນ​ຈຳນວນ 10.000.000 ດົ່ງ​/ນັກຮຽນຄົນ 1. ຄະນະ​ຊາວ​ໜຸ່ມ​ກອມ​ມູນິດ​ໂຮ່ຈິ​ມິນ​ໄດ້​ມອບ​ຫຼຽນ​ກາ “​ໄວ​ໜຸ່ມ​ມີ​ຫົວຄິດ​ປະດິດ​ສ້າງ“ ​ໃຫ້​ແກ່​ບັນດາ​ນັກຮຽນ​ທີ່​ໄດ້​ຮັບ​ຜົນງານ​ດັ່ງກ່າວ.