 ລາຍການສະແດງສິລະປະ (ພາບ: VOV) |
ຕອນບ່າຍວັນທີ 22 ກັນຍາ, ຢູ່ສະຖາບັນພຸດທະສາສະໜາ ນິກາຍນິລະຍານ ຂະແມ, ນະຄອນ ເກິ່ນເທີ ໄດ້ຈັດການສະຫຼອງ ວັນບຸນ Sene Dolta ປີ 2025 ໃຫ້ແກ່ ພໍ່ແມ່ພີ່ນ້ອງຊາວເຜົ່າ ຂະແມ ໃນບໍລິເວນ. ດ້ວຍຫົວຂໍ້ “ສະຫຼອງວັນບຸນ Sene Dolta - ສາມັກຄີ, ປ່ຽນແປງໃໝ່, ເຊື່ອມໂຍງ ແລະ ພັດທະນາ”, ລາຍການແມ່ນການເຄື່ອນໄຫວທີ່ມີຄວາມໝາຍ, ສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງຂອງ ນະຄອນ ເກິ່ນເທີ ທີ່ມີຕໍ່ຊີວິດທາງດ້ານວັດຖຸ ແລະ ຈິດໃຈຂອງພໍ່ແມ່ພີ່ນ້ອງຊາວເຜົ່າຂະແມ. ກ່າວຄຳເຫັນນະທີ່ນີ້, ທ່ານນາງ ໂຮ່ທິເກິມດາວ, ຮອງເລຂາຄະນະພັກນະຄອນ, ປະທານຄະນະກຳມະການແນວໂຮມປະເທດຊາດ ຫວຽດນາມ ນະຄອນ ເກິ່ນເທີ ເນັ້ນໜັກວ່າ ອຳນາດການປົກຄອງນະຄອນ ໄດ້ສຸມໃສ່ລະດົມ ແລະ ເສີມຂະຫຍາຍບັນດາແຫຼ່ງກຳລັງຢ່າງມີປະສິດທິຜົນເພື່ອເບິ່ງແຍງດູແລຊີວິດການເປັນຢູ່, ສ້າງເງື່ອນໄຂເພື່ອໃຫ້ພໍ່ແມ່ພີ່ນ້ອງຊາວເຜົ່າ ຂະແມ ອຸ່ນອຽນໃຈອອກແຮງງານ, ທຳການຜະລິດ. ທ່ານນາງສະເໜີທຸກຂັ້ນ, ທຸກຂະແໜງການຜັນຂະຍາຍການປະຕິບັດບັນດານະໂຍບາຍ, ລາຍການ, ໂຄງການພັດທະນາເສດຖະກິດ - ສັງຄົມໃຫ້ເປັນຢ່າງດີ ເພື່ອປັບປຸງໂຄງປະກອບພື້ນຖານໂຄງລ່າງເຂດຊົນເຜົ່າສ່ວນໜ້ອຍໃຫ້ສົມບູນແບບເທື່ອລະກ້າວ, ທ່ານນາງປາດຖະໜາຢາກໃຫ້ພໍ່ແມ່ພີ່ນ້ອງ ຂະແມ ສືບຕໍ່ຮ່ວມແຮງຮ່ວມໃຈພ້ອມກັບອຳນາດການປົກຄອງເພື່ອຜັນຂະຫຍາຍໜ້າທີ່ພັດທະນາເສດຖະກິດ - ສັງຄົມຢ່າງມີປະສິດທິຜົນ, ຕັ້ງໜ້າເຂົ້າຮ່ວມບັນດາຂະບວນການ, ບັນດາໂຄງການເປົ້າໝາຍແຫ່ງຊາດ.
