 ເຮືອຫາປາຢູ່ທ່າເຮືອ ເທາະກວາງ, ນະຄອນ ດ່າໜັງ (ພາບ: VOV) |
ເດັດດ່ຽວຍົກເລີກ “ບັດເຫຼືອງ” ຂອງຄະນະກຳມະການ ເອີຣົບ (EC) ແລະ ສ້າງຂະແໜງສິນໃນນ້ຳພັດທະນາແບບຍືນຍົງ, ທ່າເຮືອຫາປ່າ ເທາະກວາງ, ນະຄອນ ດ່າໜັງ, ໄດ້ໝູນໃຊ້ຫຼັກການ: ເຮືອຫາປາມອດລະບົບຕິດຕາມ (VMS) ແຕ່ 10 ຊົ່ວໂມງຂຶ້ນໄປ ຈະບໍ່ອະນຸຍາດໃຫ້ເຂົ້າທຽບທ່າ; ຖ້າຂາດຕາໂສ້ໃດໜຶ່ງໃນສຳເນົາເອກະສານແຈ້ງແຫຼ່ງທີ່ມາ (ນັບແຕ່ບ່ອນຈັບຫາປາ, ແຫມອງ ແລະ ຈຸດພິກັດ…) ຖືວ່າທັງຖ້ຽວສິນຄ້ານັ້ນຕ້ອງລໍຖ້າ.
 ທະຫານໄປແນະນຳກ່ຽວກັບຂໍ້ກຳນົດໃນການຂຸດຄົ້ນສິນໃນນ້ຳໃຫ້ແກ່ຊາວປະມົງ (ພາບ: VOV) |
“ຖ້າອະນຸຍາດໃຫ້ບັນດາເຮືອບໍ່ມີເງື່ອນໄຂຢ່າງພຽງພໍ ອອກຈາກທ່າ, ປ່ອຍປະລະເລີຍການຄຸ້ມຄອງນັ້ນ ຜູ້ເປັນຫົວໜ້າຕ້ອງມີຄວາມຮັບຜິດຊອບ. ການນຳບັນດາຫົວໜ່ວຍທ້ອງຖິ່ນຕາມພັນທະໜ້າທີ່ ນັບທັງພະແນກກະສິກຳ ແລະ ສິ່ງແວດລ້ອມ, ສາຂາກົມສິນໃນນ້ຳ, ທະຫານປ້ອງກັນຊາຍແດນ ຕ້ອງຍົກສູງຄວາມຮັບຜິດຊອບ. ຖ້າຫົວໜ່ວຍໃດບໍ່ສຳເລັດໜ້າທີ່, ພວກຂ້າພະເຈົ້າຈະມອບໃຫ້ຫ້ອງການຄະນະກຳມະການປະຊາຊົນແຂວງ ສົມທົບກັບພະແນກພາຍໃນ, ອົງການກວດກາແຂວງ ເປັນເສນາທິການໃຫ້ປະທານຄະນະກຳມະການປະຊາຊົນແຂວງ ກວດກາ, ເຮັດແຈ້ງຄວາມຮັບຜິດຊອບໃນວຽກງານປ້ອງກັນ, ຕ້ານການຈັບຫາປາແບບຜິດກົດໝາຍ IUU.”
ໄລ່ມາຮອດປັດຈຸບັນ, ເຮືອຫາປາ100% ໃນທົ່ວປະເທດໄດ້ຈົດທະບຽນ, ອັບເດດໃນຖານຂໍ້ມູນອາຊີບຫາປາແຫ່ງຊາດ VNFishbase; ຂໍ້ມູນດັ່ງກ່າວໄດ້ເຊື່ອມຕໍ່ກັບລະບົບຄວບຄຸມເຮືອຫາປາຂອງກະຊວງປ້ອງກັນປະເທດ ແລະ VneID ຂອງກະຊວງຕຳຫຼວດ..
