ວັນທີ 19/5 ຢູ່ຮ່າໂນ້ຍ, ໄດ້ດຳເນີນພິທີມອບລາງວັນ ໂຮ່ຈິມິນ ກ່ຽວກັບວັນນະຄະດີ, ສິລະປະ ແລະ ນາມມະຍົດສິລະປີນປະຊາຊົນປີ 2012
ທ່ານປະທານປະເທດຫວຽດນາມ Truong Tan Sang ມອບລາງວັນ ໂຮ່ຈິມິນ ໃຫ້ແກ່ນັກດົນຕີ Pham Tuyen
|
Vovworld- ວັນທີ 19/5 ຢູ່ຮ່າໂນ້ຍ, ໄດ້ດຳເນີນພິທີມອບລາງວັນ ໂຮ່ຈິມິນ ກ່ຽວກັບວັນນະຄະດີ, ສິລະປະ ແລະ ນາມມະຍົດສິລະປີນປະຊາຊົນປີ 2012. ລາງວັນ ໂຮ່ຈິມິນ ກ່ຽວກັບວັນນະຄະດີ, ສິລະປະ ແລະ ນາມມະຍົດສິລະປີນປະຊາຊົນ ແມ່ນລາງວັນອັນສູງສົ່ງທີ່ສຸດໃນຂົງເຂດ ວັນນະຄະດີ, ສິລະປະຖືກຈັດຕັ້ງ, ພິຈາລະນາ, ມອບລາງວັນ 5 ປີເທື່ອໜຶ່ງສຳລັບ ລາງວັນ ໂຮ່ຈິມິນ ແລະ 2 ປີເທື່ອໜຶ່ງສຳລັບລາງວັນແຫ່ງລັດກ່ຽວກັບນາມມະຍົດສິລະປີນປະຊາຊົນ, ສິລະປີນດີເດັ່ນ. ທ່ານປະທານປະເທດໄດ້ເຊັນຂໍ້ຕົກລົງມອບ ລາງວັນ ໂຮ່ຈິມິນໃຫ້ແກ່ 12 ບົດປະພັນ, ກິດຈະກຳ, ກຸ່ມກິດຈະກຳກ່ຽວກັບວັນນະຄະດີ, ສິລະປະ ແລະ ມອບ ນາມມະຍົດສິລະປີນປະຊາຊົນໃຫ້ແກ່ນັກສິລະປີນ 74 ຄົນ. ກ່າວຄຳເຫັນທີ່ພິທີ, ທ່ານປະທານປະເທດຫວຽດນາມ Truong Tan Sang ຢືນຢັນວ່າ :
“ ໃນຊຸມປີທີ່ຜ່ານມາ, ພື້ນຖານວັນນະຄະດີ, ສິລະປະຂອງຫວຽດນາມໄດ້ສືບທອດ ແລະ ເສີມຂະຫຍາຍລັດທິຮັກຊາດ ແລະວັດທະນະທຳມະນຸດ, ຜູກພັນກັບພາລະກິດປະຕິວັດຂອງຊາດຢ່າງເລິກເຊິ່ງ, ແມ່ນອາວຸດອັນແຫຼມຄົມຢູ່ແນວຮົບວັດທະນະທຳ, ແນວຄິດ, ອຸທິດສ່ວນບັນດາບົດປະພັນທີ່ມິຄຸນຄ່າສູງ, ປະກອບສ່ວນຢ່າງໃຫຍ່ຫຼວງເຂົ້າໃນໄຊຊະນະທີ່ຍິ່ງໃຫຍ່ໃນການຕໍ່ສູ້ຍາດເອົາເອກະລາດ, ອິດສະຫຼະພາບ, ທ້ອນໂຮມປະເທດຊາດເປັນເອກະພາບ ກໍຄືໃນພາລະກິດສ້າງສາ ແລະປົກປັກຮັກສາປະເທດຊາດ ”
