ທ່ານນາງຮອງປະທານປະເທດຫວຽດນາມ Nguyen Thi Doan ມອບໃບຍ້ອງຍໍ ແລະ ຫຼຽນໄຊໃຫ້ແກ່ມະຫາວິທະຍາໄລສ້າງຄູ ເຫ້ວ
(ພາບ:gdtv.vn )
|
vovworld- ວັນທີ 7/4, ມະຫາວິທະຍາໄລສ້າງຄູ ເຫ້ວ ໄດ້ຈັດພິທີສະເຫຼີມ ສະຫຼອງ 55 ປີ ແຫ່ງວັນສ້າງຕັ້ງໂຮງຮຽນ ແລະ ຕ້ອນຮັບຫຼຽນໄຊເອກະລາດຊັ້ນ 2. ມະຫາວິທະຍາໄລ ເຫ້ວໄດ້ຮັບການສ້າງຕັ້ງເມື່ອປີ 1957 ບົນພື້ນຖານໂຮງຮຽນວິທະຍາໄລສ້າງຄູ ທີ່ຂຶ້ນກັບສະຖາບັນມະຫາວິທະຍາໄລ ເຫ້ວ ແມ່ນ ໂຮງຮຽນບຳລຸງສ້າງຄູອາຈານຊັ້ນກາງພຽງແຫ່ງດຽວໃຫ້ແກ່ບັນດາແຂວງພາກກາງຫວຽດນາມ. ມະຫາວິທະຍາໄລສ້າງຄູ ເຫ້ວ ໄດ້ບຳລຸງສ້າງຄູອາຈານກ່ວາ 5 ໝື່ນຄົນໃນຂັ້ນຮຽນຕ່າງໆ ແລະ ຍົກລະດັບມາດຖານໃຫ້ແກ່ຄູອາຈານ 1 ໝື່ນ 5 ພັນຄົນບັນລຸລະດັບປະລິນຍາຕີຂະແໜງສ້າງຄູ. ກ່າວຄຳເຫັນທີ່ພິທີດັ່ງກ່າວ, ທ່ານນາງ Nguyen Thi Doan ຮອງປະທານປະເທດຫວຽດນາມໃຫ້ຮູ້ວ່າ : “ ຂ້າພະເຈົ້າສະເໜີບັນດາໂຮງຮຽນເລັ່ງໃສ່ບັນດາມາດຕະການແກ້ໄຂ, ແນໃສ່ຍົກສູງຄຸນນະພາບການບຳລຸງສ້າງ. ທຳອິດແມ່ນຄຸນນະພາບຖັນແຖວຄູອາຈານປະຈຸບັນ. ຢາກກໍ່ສ້າງຖັນແຖວຄູອາຈານທີ່ມີຄວາມເກັ່ງກ້າສາມາດດ້ານວິຊາຊີບນັ້ນ, ພວກເຮົາຕ້ອງມີຫ້ອງທົດລອງທີ່ດີ ”.
