 ທ່ານປະທານາທິບໍດີ ຢູແກຼນ Volodymyr Zelenskiy ແລະ ທ່ານປະທານາທິບໍດີ ອາເມລິກາ Donald Trump ພົບກັນຢູ່ນອກກອງປະຊຸມ WEF 56, ຢູ່ Davos, ສະວິດໃນວັນທີ 22/1/2026 (ພາບ: ຫ້ອງການສື່ມວນຊົນ ທຳນຽບປະນາທິບໍດີ (ພາບ: REUTERS) |
ທ່ານ Volodymyr Zelensky ເນັ້ນໜັກວ່າ ຂໍ້ຕົກລົງສະບັບນີ້ໄດ້ຮັບການສ້າງຂຶ້ນຄືດັ່ງເປັນເຄື່ອງກຳບັງດ້ານນິຕິກຳ ແລະ ການທະຫານໃຫ້ແກ່ ຢູແກຼນ, ໂດຍມີຈຸດປະສົງສະກັດກັ້ນທຸກເຈດຕະນາທີ່ຝ່າຍ ລັດເຊຍ ອາດຈະກໍ່ການປະທະກັນຂຶ້ນຄືນອີກໃນອະນາຄົດ. ເຖິງຢ່າງໃດກໍຕາມ, ຂໍ້ຕົກລົງດັ່ງກ່າວຍັງຄົງຕ້ອງຜ່ານຂັ້ນຕອນສຸດທ້າຍ ແລະ ພິທີລົງນາມຢ່າງເປັນທາງການລະຫວ່າງປະມຸກລັດສອງປະເທດ ກ່ອນທີ່ຈະຍື່ນສະເໜີຕໍ່ສະພາແຫ່ງຊາດ ອາເມລິກາ ແລະ ຢູແກຼນ ເພື່ອໃຫ້ສັດຕະຍາບັນ.
ສ່ວນ, ທ່ານປະທານາທິບໍດີ ອາເມລິກາ Donald Trump ໃຫ້ຮູ້ວ່າ ການພົບປະໄດ້ດຳເນີນຢ່າງຕັ້ງໜ້າ, ພ້ອມທັງຢັ້ງຢືນສານສົ່ງເຖິງທ່ານປະທານາທິບໍດີ ລັດເຊຍ ວ່າ: “ການປະທະກັນຕ້ອງຢຸດຕິ”. ປັດຈຸບັນ, ຝ່າຍ ລັດເຊຍ ຍັງບໍ່ທັນມີປະຕິກິລິຍາໃດທີ່ກ່ຽວຂ້ອງເຖິງກອງປະຊຸມດັ່ງກ່າວເທື່ອ.
(ແອັງຕວັນ - ນັກຂ່າວ VOV ປະຈຳ ຝລັ່ງ)
