ອີຕາລີ ໄດ້ຢັ້ງຢືນຄືນການສະໜັບສະໜູນສຳລັບ ຢູແກຼນ, ດ້ວຍເລື່ອງມອບໂອນບ້ວງອາວຸດໃໝ່. ເຖິງຢ່າງໃດກໍຕາມ, ພັກສະຫະພັນໃນພັນທະມິດກຳອຳນາດພັດກ່າວເຕືອນອີກເທື່ອໜຶ່ງກ່ຽວກັບບັນດາກໍລະນີສໍ້ລາດບັງຫຼວງຢູ່ ຢູແກຼນ.
ໃນວັນດຽວກັນ, ອາເມລິກາ ໄດ້ໃຫ້ສັດຕະຍາບັນທຸລະກຳການຄ້າທີ່ມີມູນຄ່າ 105 ລ້ານ USD ກັບ ຢູແກຼນ ແນໃສ່ຊ່ວຍປະເທດ ເອີຣົບ ຕາເວັນອອກອອກນີ້ ຍົກລະດັບ ແລະ ຮັກສາການເຄື່ອນໄຫວຂອງລະບົບປ້ອງກັນລູກສອນໄຟ Patriot.
ກະຊວງການຕ່າງປະເທດ ອາເມລິກາ ໃຫ້ຮູ້ວ່າ ໄດ້ແຈ້ງໃຫ້ສະພາແຫ່ງຊາດກ່ຽວກັບທຸລະກຳການຄ້າສະໜອງເຄື່ອງອາໄຫຼ່, ການຝຶກຊ້ອມ ແລະ ການບໍລິການໃຫ້ແກ່ລະບົບ Patriot, ເຊິ່ງ ຢູແກຼນ ເຄີຍນຳໃຊ້ເພື່ອຕີສະກັດລູກສອນໄຟ.
ກໍໃນວັນດຽວກັນ, ທ່ານນາຍົກລັດຖະມົນຕີ ແອັດສະປາຍ Pedro Sanchez ໃຫ້ຮູ້ວ່າ ປະເທດນີ້ຈະລະດົມບ້ວງເງິນຊ່ວຍເຫຼືອໃໝ່ໃຫ້ແກ່ ຢູແກຼນ ເຊິ່ງມີມູນຄ່າ 817 ລ້ານ ເອີໂຣ (946 ລ້ານ USD) ແລະ ຊື້ອຸປະກອນການທະຫານຂອງ ອາເມລິກາ ມີມູນຄ່າ 100 ລ້ານ ເອີໂຣ.
