(vovworld) - ວັນທີ 9/5, ລັດຖະບານໄດ້ປະກາດໃຊ້ມະຕິກ່ຽວກັບວາລະປະຊຸມປະຈຳເດືອນ 4/2012 ຂອງລັດຖະບານ. ຕາມນັ້ນແລ້ວ, ລັດຖະບານຢືດໝັ້ນບັນດາຄາດໝາຍ, ໜ້າທີ່ ເຊິ່ງບັນດາມະຕິຂອງສູນກາງ, ສະພາແຫ່ງຊາດໄວ້ວາງອອກໃນປີ 2012, ສືບຕໍ່ຕິດຕາມກວດກາການຜັນແປ່ຂອງສະພາບການເສດຖະກິດໂລກ ແລະ ພາຍໃນປະເທດຢ່າງໃກ້ສິດ, ຍົກສູງກຳລັງຄວາມສາມາດໄຈ້ແຍກ, ຄາດຄະເນເພື່ອມີມາດຕະການຊີ້ນຳຢ່າງທັນການ, ບໍລິຫານໃຫ້ເໝາະສົມ, ຜັນຂະຫຍາຍປະຕິບັດບັນດາມາດຕະການທີ່ລັດຖະບານໄດ້ວາງອອກຢ່າງເດັດຂາດ, ຄົບຊຸດ, ມີປະສິດທິຜົນ. ລັດຖະບານໄດ້ເປັນເອກະສັນກັນ ຮັບຮູ້ວ່າ ສະພາບເສດຖະກິດ - ສັງຄົມເດືອນ 4 ແລະ 4 ເດືອນຕົ້ນປີ 2012 ໄດ້ມີການຫັນປ່ຽນຢ່າງຖືກທິດ, ບັນລຸໄດ້ບັນດາໝາກຜົນຢ່າງຕັ້ງໜ້າໃນເບື້ອງຕົ້ນ. ເສດຖະກິດມະຫາພາກ ໄດ້ຮັບການປັບປຸງບາດກ້າວໜຶ່ງ. ດັດສະນີລາຄາໃຊ້ສອຍໃນເດືອນ 4 ເພີ່ມຂຶ້ນ 0,05% ເມື່ອທຽບໃສ່ເດືອນ 3 ແລະ ເພີ່ມຂຶ້ນ 2,6% ເມື່ອທຽບໃສ່ກັບເດື່ອນ 12/2011, ແມ່ນລະດັບເພີ່ມຂຶ້ນຕ່ຳສຸດໃນຫຼາຍປີຜ່ານມາ.
