ທ່ານ Mahfud MD ລັດຖະມົນຕີກະຊວງປະສານງານບັນດາບັນຫາການເມືອງ, ນິຕິກໍາ ແລະ ປ້ອງກັນຄວາມສະຫງົບ ອິນໂດເນເຊຍ ໄດ້ເປັນປະທານກອງປະຊຸມໃນຕອນບ່າຍວັນທີ 3 ມັງກອນ. ນີ້ແມ່ນກອງປະຊຸມປິດລັບ ສະນັ້ນ ກອງປະຊຸມດັ່ງກ່າວ ຖືກດໍາເນີນ ເພື່ອປຶກສາຫາລືບັນດາມາດຕະການຮັບມື ເມື່ອຈີນວາງອອກບັນດາການຮຽກສິດກັບເຂດນໍ້າຢູ່່ບໍລິເວນໃກ້ກັບໝູ່ເກາະ Natuna.
ບັນດາບັນຫາຢູ່ເຂດທະເລທາງທິດເໜືອ Natuna ໄດ້ກາຍເປັນຄວາມວິຕົກກັງວົນຂອງລັດຖະບານ ອິນໂດເນເຊຍ ເມື່ອກໍາລັງເຈົ້າໜ້າທີ່ຂອງປະເທດນີ້ພົບເຫັນບັນດາກໍ່າປັ່ນຫາປາ ໄດ້ຮັບການປົກປ້ອງຈາກກໍ່າປັ່ນຕໍາຫຼວດທະເລຈີນ ໃຫ້ດໍາເນີນບັນດາການກະທໍາລະເມີດເຂດເສດຖະກິດຈໍາເພາະຂອງ ອິນໂດເນເຊຍ ຢູ່ບໍລິເວນດັ່ງກ່າວ. ຕໍ່ໜ້າສະພາບການດັ່ງກ່າວ, ສະມາຊິກສະພາແຫ່ງຊາດ ອິນໂດເນເຊຍ ຫຼາຍທ່ານ ໄດ້ຮຽກຮ້ອງໃຫ້ຮັບຮອງເອົາຮ່າງກົດໝາຍວ່າດ້ວຍຄວາມປອດໄພໃນການເດີນເຮືອ, ເພີ່ມສິດໃຫ້ແກ່ອົງການປ້ອງກັນຄວາມປອດໄພໃນການເດີນເຮືອ ອິນໂດເນເຊຍ ປະຕິບັດກົດໝາຍຢູ່ທະເລ, ປົກປັກຮັກສາເຂດທະເລຂອງ ອິນໂດເນເຊຍ ຕໍ່ໜ້າບັນດາການກະທໍາຂອງ ຈີນ.
