(vovworld) - ລັດຖະບານຫາກໍປະກາດໃຊ້ມະຕິ 13 ກ່ຽວກັບບາງມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດ, ໜູນຊ່ວຍຕະຫຼາດ, ໃນນັ້ນມີບັນດາມາດຕະການຕໍ່ກຳນົດເວລາເກັບພາສີມູນຄ່າເພີ່ມ, ພາສີລາຍຮັບຕໍ່ວິສາຫະກິດຈຳນວນໜຶ່ງ, ຫຼຸດຜ່ອນຄ່າເຊົ່າທີ່ດິນ. ມະຕິໄດ້ຊີ້ແຈງວ່າ: ລັດຖະບານຮຽກຮ້ອງໃຫ້ບັນດາລັດຖະມົນຕີ, ຫົວໜ້າອົງການທຽບເທ່ົາກະຊວງ, ອົງການຂຶ້ນກັບລັດຖະບານ, ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງ ອີງຕາມພາລະໜ້າທີ່, ໜ້າທີ່ ທີ່ໄດ້ຮັບມອບໝາຍເປັນເຈົ້າການໃກ້ສິດຕິດແທດກັບສະພາບຕົວຈິງ, ສຸມໃສ່ຊີ້ນຳການປະຕິບັດຢ່າງຄົບຊຸດ, ເດັດຂາດ, ມີປະສິດທິຜົນບັນດາໜ້າທີ່, ມາດຕະການຕາມມະຕິຂອງພັກ, ສະພາແຫ່ງຊາດ, ມະຕິເລກທີ 1 ວັນທີ 3/1/2012 ຂອງລັດຖະບານກ່ຽວກັບບັນດາມາດຕະການຕົ້ນຕໍ່ ໃນການຊີ້ນຳບໍລິຫານການປະຕິບັດແຜນການພັດທະນາເສດຖະກິດ - ສັງຄົມ ແລະ ຄາດຄະເນງົບປະມານແຫ່ງລັດປີ 2012 ແລະ ບັນດາມາດຕະການແທດຈິງ, ໃຫ້ເໝາະສົມກັບສະພາບການຕົວຈິງ. ລັດຖະບານກໍຮຽກຮ້ອງໃຫ້ບັນດາລັດຖະມົນຕີ, ຫົວໜ້າອົງການທຽບເທົ່າກະຊວງ, ອົງການຂຶ້ນກັບລັດຖະບານ, ປະທານຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງ ສຸມໃສ່ຊີ້ນຳບໍລິຫານ, ຜັນຂະຫຍາຍການປະຕິບັດບາງມາດຕະການແກ້ໄຂຄວາມຫຍຸ້ງຍາກໃຫ້ແກ່ການຜະລິດດຳເນີນທຸລະກິດ, ໜູນຊ່ວຍຕະຫຼາດ.
