( vovworld ) – ຕອນເຊົ້າວັນທີ 5/4, ຢູ່ສຳນັກງານກະຊວງການຕ່າງປະເທດ, ທ່ານລັດຖະມົນຕີການຕ່າງປະເທດ Pham Binh Minh ໄດ້ໃຫ້ການຕ້ອນຮັບທ່ານ Takesi Kasai, ຫົວໜ້າອົງການອະນາໄມໂລກ ( WHO ) ປະຈຳຫວຽດນາມ ຄົນໃໝ່ທີ່ເຂົ້າມາຍື່ນສານຕາຕັ້ງ. ກ່າວຄຳເຫັນໃນການຕ້ອນຮັບ, ທ່ານລັດຖະມົນຕີ Pham Binh Minh ໄດ້ສະເໜີໃຫ້ WHO ສືບຕໍ່ໜູນຊ່ວຍຫວຽດນາມ ເພີ່ມທະວີຄວາມສາມາດຂອງຂະແໜງສາທາລະນະສຸກ, ໃນນັ້ນໃຫ້ບຸລິມະສິດແກ່ວຽກງານປ້ອງກັນຕ້ານພະຍາດຕິດແປດ ແລະ ພະຍາດບໍ່ຕິດແປດ, ເພີ່ມທະວີທາດບຳລຸງ, ອະນາໄມຮັບປະກັນຄວາມປອດໄພດ້ານສະບຽງອາຫານ. ທ່ານລັດຖະມົນຕີ Pham Binh Minh ໄດ້ຮຽກຮ້ອງໃຫ້ WHO ສົມທົບກັນຢ່າງແໜ້ນແຟ້ນກັບບັນດາອົງການສະຫະປະຊາຊາດປະຈຳຫວຽດນາມ ໃນຂອບເຂດຂໍ້ລິເລີມສະຫະປະຊາຊາດໜື່ງດຽວ.
ທ່ານ Takesi Kasai ເນັ້ນໜັກວ່າ, WHO ຖືຫວຽດນາມ ແມ່ນໜື່ງໃນບັນດາປະເທດໃຫ້ບຸລິມາສິດໃນການຮ່ວມມື ແລະ ຢືນຢັນວ່າ ຈະສົມທົບກັນຢ່າງແໜ້ນແຟ້ນກັບລັດຖະບານຫວຽດນາມ ເພື່ອປະຕິບັດໂຄງການຮ່ວມມືລະຫວ່າງຫວຽດນາມ - WHO ໄລຍະ 2012 – 2013 ໃຫ້ສຳເລັດ, ພິເສດແມ່ນບັນດາຂົງເຂດໃຫ້ບຸລິມະສິດຄືທ່ານລັດຖະມົນຕີ Pham Binh Minh ໄດ້ຍົກອອກ.
