 ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດ ຫວຽດນາມຕ້ອນຮັບທ່ານ ແສງເພດ ຮຸ່ງບຸນຍວງ ເອກອັກຄະລັດຖະທູດສປປ.ລາວ ປະຈຳຫວຽດນາມ (ພາບ: bocongan.gov.vn) |
ຊົມເຊີຍທ່ານ ແສງເພດ ຮຸ່ງບຸນຍວງ ທີ່ມາຮັບໜ້າທີ່ໃໝ່ຢູ່ຫວຽດນາມ, ທ່ານລັດຖະມົນຕີ ໂຕເລິມ ໄດ້ສະແດງຄວາມເຊື່ອໝັ້ນວ່າ, ໃນຖານະຕຳແໜ່ງ ປະຕິບັດໜ້າທີ່ນີ້, ທ່ານເອກອັກຄະລັດຖະທູດຈະມີການປະກອບສ່ວນຢ່າງຕັ້ງໜ້າ ເຂົ້າໃນການຊຸກຍູ້ການຮ່ວມມືລະຫວ່າງສອງປະເທດໃຫ້ນັບມື້ນັບບັນລຸໄດ້ ໝາກຜົນຫຼາຍຢ່າງໃນຂົງເຂດຕ່າງໆ. ພ້ອມທັງປາດຖະໜາວ່າ ໃນໄລຍະຈະມາເຖິງ, ທ່ານ ແສງເພດ ຮຸ່ງບຸນຍວງ ຈະເອົາໃຈໃສ່ແລະຊ່ວຍເຫຼືອໃນການວຽກງານສົມທົບກັນຜັນຂະຫຍາຍເນື້ອໃນຮ່ວມມືລະຫວ່າງ ກະຊວງຕຳຫຼວດຫວຽດນາມ ແລະ ກະຊວງຕຳຫຼວດລາວ, ປະກອບສ່ວນເຂົ້າໃນການຮັບປະກັນຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍ ແລະ ຄວາມປອດໄພຂອງແຕ່ລະປະເທດ, ເພື່ອສັນຕິພາບ, ການພັດທະນາລະຫວ່າງສອງປະເທດ.
ສ່ວນ ທ່ານເອກອັກຄະລັດຖະທູດ ແສງເພດ ຮຸ່ງບຸນຍວງ ໄດ້ສະແດງຄວາມຊົມເຊີຍຕໍ່ການພົວພັນມິດຕະພາບ ທີ່ເປັນມູນເຊື້ອ ລະຫວ່າງຫວຽດນາມ ແລະ ລາວ ໄດ້ຮັບການພັດທະນາຢ່າງບໍ່ຢຸດຢັ້ງໃນທຸກດ້ານໃນຫຼາຍປີຜ່ານມາ; ການພົວພັນຮ່ວມມືລະຫວ່າງກະຊວງຕຳຫຼວດຫວຽດນາມ ແລະ ກະຊວງຕຳຫຼວດລາວ ຈະສືບຕໍ່ພັດທະນາຢ່າງຕັ້ງໜ້າ, ນັບມື້ນັບກ້າວເຂົ້າສູ່ລວງເລິກ ແລະ ບັນລຸ ໄດ້ໝາກຜົນສຳຄັນຫຼາຍຢ່າງກ່ວາເກົ່າ.
