ວັນທີ 29 ມີນາ, ທ່ານ Dmitry Peskov ໂຄສົກວັງ Kremlin, ໃຫ້ຮູ້ວ່າ ລັດເຊຍ ຕີລາຄາສູງການເດີນທາງໄປປະຕິບັດງານຢູ່ ອາເມລິກາ ຂອງຄະນະຜູ້ແທນ ແຫ່ງຊາດ Duma ລັດເຊຍ ແລະ ຖືນີ້ແມ່ນບາດກ້າວເດີນສຳຄັນເພື່ອແນໃສ່ຟື້ນຟູການໂອ້ລົມສົນທະນາສອງຝ່າຍ ເຊິ່ງຖືກຫຼຸດລົງຢູ່ລະດັບຕຳສຸດໃນຫຼາຍປີຜ່ານມາ. ຕາມທ່ານ Dmitry Peskov ແລ້ວ, ໃນສະພາບການພົວພັນ ລັດເຊຍ - ອາເມລິກາເບິ່ງຄືວ່າ ຢຸດສະຫງັກໃນທຸກຂົງເຂດ, ບັນດາການພົບປະເບື້ອງຕົ້ນລະຫວ່າງສອງຝ່າຍ ເຖິງວ່າຍັງມີຄວາມລະມັດລະວັງແຕ່ມີຄວາມໝາຍຍິ່ງໃຫຍ່ ແລະ ອາດສາມາດປະກອບສ່ວນຊຸກຍູ້ການຟື້ນຟູການພົວພັນສອງຝ່າຍ”. ທ່ານໂຄສົກວັງ Kremlin ຢັ້ງຢືນວ່າ ພ້ອມແລ້ວທີ່ຈະສືບຕໍ່ຊຸກຍູ້ການໂອ້ລົມສົນທະນາຢູ່ລະດັບເໝາະສົມກັບຄວາມພ້ອມຂອງຝ່າຍອາເມລິກາ, ພ້ອມທັງຈະລາຍງານເນື້ອໃນບັນດາການພົບປະ ເຖິງທ່ານປະທານາທິບໍດີ ລັດເຊຍ Vladimir Putin.
