( vovworld ) - ພາຍຫຼັງທີ່ຖືກໂຈະໄວ້ເປັນເວລາ 18 ເດືອນ, ວັນທີ 11/6, ການນຳບັນດາພັກຝ່າຍການເມືອງຢູ່ລີບັງ ໄດ້ເຊື່ອມຕໍ່ການເຈລະຈາຊົນຊາດຄືນໃໝ່ ເພື່ອແນໃສ່ແກ້ໄຂບັນຫາຫຼຸດຜ່ອນກຳລັງອາວຸດຂອງ Hezbollah, ຂະບວນການປະກອບອາວຸດ ມຸດສະລິມ ຂອງຊາວ Shiite ປະຈຸບັນແມ່ນກຳລັງທະຫານທີ່ເຂັ້ມແຂງທີ່ສຸດຢູ່ລີບັງ ແລະ ກໍ່ສວມບົດບາດສຳຄັນໃນລັດຖະບານຂອງປະເທດນີ້. ການເຈລະຈາຊົນຊາດຄັ້ງນີ້ໂດຍທ່ານປະທານນາທິບໍດີ Michel Sleimam ເປັນປະທານ. ແຕ່ເຖິງຢ່າງໃດກໍຕາມ, ສະມາຊິກຜູ້ໜຶ່ງຂອງຝ່າຍຄ້ານ, ທ່ານປະທານພັກບັນດາກຳລັງລີບັງ Samir Geagea, ໄດປະຕິເສດການເຈລະຈາ ແລະ ຖືວ່າ ການເຈລະຈາດັ່ງກ່າວບໍ່ມີຜົນປະໂຫຍດ ແລະ ບໍ່ສາມາດແກ້ໄຂບັນຫາອາວຸດຂອງຂະບວນການ Hezbollah, ເຊິ່ງແມ່ນກຳລັງໄດ້ຮັບການສະໜັບສະໜູນຈາກງອີຣານ ແລະ ຊີຣີ. ບັນດາສະມາຊິກຝ່າຍຄ້ານທ່ານອື່ນ ແລະ ສື່ມວນຊົນທ້ອງຖິ່ນກໍ່ສະແດງຄວາມລະແວງສົງໄສຕໍ່ກັບໝາກຜົນຂອງການເຈລະຈາ. ເຂົາເຈົ້າໄດ້ຖືວ່າ ການພົບປະຄັ້ງນີ້ພຽງແຕ່ເພື່ອຫຼຸດຜ່ອນສະພາບຄວາມເຄັ່ງຕຶງຢູ່ລີບັງ ຕໍ່ໜ້າການແຫ່ຂະບວນປະທ້ວງຢູ່ປະເທດບ້ານໃກ້ເຮືອນຄຽງຊີຣີ. ກ່ອນທີ່ດຳເນີນການເຈລະຈາດັ່ງກ່າວ, ຝ່າຍຄ້ານຢູ່ລີບັງ ໄດ້ກ່າວເຕືອນວ່າ ຖ້າຫາກຮອບເຈລະຈາຄັ້ງນີ້ບໍ່ບັນລຸໝາກຜົນ, ເຂົາເຈົ້າຈະຊຸກຍູ້ການສ້າງຕັ້ງລັດຖະບານໃໝ່.
