 ວັນທີ 31 ພຶດສະພາ, ເປັນມື້ທຳອິດລາວ ບໍ່ກວດພົບກໍລະນີຕິດເຊື້ອພະຍາດໂຄວິດ-19 ໃນຊຸມຊົນ(ພາບປະກອບ: THX/TTXVN)
|
ພາຍຫຼັງເວລາກວ່າ 40 ວັນນັບແຕ່ເມື່ອກວດພົບກໍລະນີຕິດເຊື້ອພະຍາດໂຄວິດ-19 ຄັ້ງທີ 2 ຜູ້ທຳອິດໃນຊຸມຊົນ, ວັນທີ 31 ພຶດສະພາ, ເປັນມື້ທຳອິດລາວ ບໍ່ກວດພົບກໍລະນີຕິດເຊື້ອພະຍາດໂຄວິດ-19 ໃນຊຸມຊົນໃນທົ່ວປະເທດ.
ທີ່ກອງປະຊຸມຂ່າວໃນຕອນທ່ຽງວັນທີ 31 ພຶດສະພາ, ກະຊວງສາທາລະນະສຸກລາວ ໃຫ້ຮູ້ວ່າ, ປະເທດນີ້ໄດ້ກວດພົບຜູ້ຕິດເຊື້ອພະຍາດ 1 ຄົນເຊິ່ງແມ່ນຜູ້ເຂົ້າເມືອງໃນຮອບເວລາ 24 ຊົ່ວໂມງຜ່ານມາ ແລະ ໄດ້ແຍກຕົວໂດຍທັນທີ. ນີ້ອາດຈະຮັບຮັບຖືວ່າລັດຖະບານ ແລະ ປະຊາຊົນລາວ ບັນລຸໄດ້ຜົນສຳເລັດໃນເບື້ອງຕົ້ນໃນການປ້ອງກັນ, ຕ້ານໂລກລະບາດໂຄວິດ-19 ພາຍຫຼັງເວລາ 40 ວັນຈັດວາງຄຳສັ່ງລອກດາວ. ຜູ້ຕາງໜ້າກະຊວງສາທາລະນະສຸກລາວ ເນັ້ນໜັກວ່າ, ເຖິງວ່າສະພາບການໂລກລະບາດມີສັນຍານຫຼຸດລົງກໍ່ຕາມ, ແຕ່ທົ່ວປວງຊົນສືບຕໍ່ປະຕິບັດບັນດາມາດຕະການປ້ອງກັນ, ຕ້ານໂລກລະບາດຢ່າງເຂັ້ມງວດ ແລະ ເປັນເຈົ້າການໄປສັກວັກຊິນກັນໂຄວິດ-19.
ໄລ່ຮອດວັນທີ 29 ພຶດສະພາ, ລາວ ໄດ້ສັກວັກຊິນກັນໂຄວິດ-19 ໃຫ້ 872.070 ຄົນ, ໃນນັ້ນມີ 214.115 ຄົນໄດ້ສັກວັກຊິນເຂັ້ມທີ 2 ແລ້ວ. ມາຮອດປະຈຸບັນ, ລາວ ມີຜູ້ຕິດເຊື້ອພະຍາດໂຄວິດ-19 ທັງໝົດ 1.912 ຄົນ, ໃນນັ້ນໄດ້ປິ່ນປົວຫາຍດີເປັນປົກກິຕິໃຫ້ 1.543 ຄົນ, ມີ 3 ຄົນເສຍຊີວິດ.
