( vovworld ) – ເພື່ອສະເຫຼີມສະຫຼອງປີແຫ່ງຄວາມສາມັກຄີມິດຕະພາບ ຫວຽດນາມ-ລາວ 2012 ແລະ ນະນຶກ 37 ປີແຫ່ງວັນປົດປ່ອຍພາກໃຕ້ ຫວຽດນາມ ທ້ອນໂຮມປະເທດເປັນເອກະພາບ, ວັນທີ 25/4, ກະຊວງສຶກສາທິການ ແລະ ກິລາລາວ ສົມທົບກັບສະຖານທູດ, ທູດທະຫານຫວຽດນາມ ປະຈຳລາວ ໄດ້ຈັດງານວາງສະແດງຮູບພາບ, ສາຍຟິມເອກະສານ ແລະ ໂອ້ລົມກ່ຽວກັບມູນເຊື້ອຢູ່ມະຫາວິທະຍາໄລສັບພະວິຊາລາວ. ທີ່ການໂອ້ລົມ, ທ່ານພັນເອກ Nguyen Phu Hai, ຫົວໜ້າທູດທະຫານຫວຽດນາມ ປະຈຳລາວ ຢືນຢັນວ່າ: ໄຊຊະນະແຫ່ງປະຫວັດສາດໃນວັນທີ 30/4 ໄດ້ສະແດງໃຫ້ເຫັນກຳລັງແຮງຂອງລັດທິສັງຄົມນິຍົມ ແລະ ນ້ຳໃຈສາກົນກຳມະຊີບອັນສູງສົ່ງ, ໃນນັ້ນມີການຮ່ວມແຮງຮ່ວມໃຈ, ການຊ່ວຍເຫຼືອຢ່າງມີປະສິດທິຜົນຂອງປະຊາຊົນລາວອ້າຍນ້ອງ. ຟິມຮູບເງົາ ແລະ ຮູບພາບຕ່າງໆທີ່ງານວາງສະແດງ ໄດ້ສ້າງຄວາມປະທັບໃຈອັນເລິກເຊິ່ງໃຫ້ແກ່ບັນດານັກສຶກສາໄດ້ເຂົ້າຮ່ວມ. ສົມກຽດ, ນັກສຶກສາມະຫາວິທະຍາໄລສັບພະວິຊາລາວ ໃຫ້ຮູ້ວ່າ: “ນ້ອງມັກຟິມເອກະສານກ່ຽວກັບການບຸກໂຈມຕີຂະໜາດໃຫ່ຍໃນລະດູບານໃໝ່ປີ 1975 ຂອງຊາດ ຫວຽດນາມ ທີ່ສຸດ. ກ່ຽວກັບຊີວິດ ແລະ ພາລະກິດການປະຕະວັດຂອງປະທານໂຮ່ຈິມິນ. ນອກຈາກນັ້ນແລ້ວ ງານວາງສະແດງຮູບພາບກໍສະແດງໃຫ້ພວກນ້ອງເຫັນໄດ້ກຳລັງແຮງ ແລະ ນ້ຳໃຈສາມັກຄີຂອງຊາດຫວຽດນາມ ໃນການຕໍ່ຕ້ານ ຕ້ານສັດຕູຜູ້ຮຸກຮານ, ຍາດເອົາຄວາມເປັນເອກະລາດແຫ່ງຊາດ“
